 |
Questa pagina è stata trascritta, formattata e riletta. | |
| LE BARUFFE CHIOZZOTTE | 21 |
Toffolo. So qua mi; ve la pagherò mi.
Checca. Sior no, no voggio.
Toffolo. Mo per cossa?
Checca. Perchè no me degno.
Toffolo. S’ha degnà Lucietta.
Checca. Sì sì, Lucietta xe degnevole, la se degna de tutto.
Lucietta. Coss’è, siora? Ve ne aveu per mal, perchè so stada la prima mi?
Checca. Mi co vu, siora, no me n’impazzoa. E mi no togob gnente da nissun.
Lucietta. E mi cossa toghioc?
Checca. Siora sì, avè tolto anca i trigolid dal putto donzeloe de bara Loscof.
Lucietta. Mi, busiara?
Pasqua. A monte.
Libera. A monte, a monte.
Canocchia. Gh’è nissun che voggia altro?
Toffolo. Andè a bon viazo.
Canocchia. Zucca barucca, barucca calda. (gridando parte)
SCENA III.
I suddetti fuor di, Canocchia.
Toffolo. (Arecordève, siora Checca, che m’avè dito che de mi no ve degnè).
Checca. (Andè via, che no ve tendo)g.
Toffolo. (E sì, mare de dianah, gh’aveva qualche bona intenzion).
Checca. (De cossa?)
- ↑ Non tratto, non parlo.
- ↑ Non prendo.
- ↑ Cosa prendo?
- ↑ Sono una specie di frutti marini che si trovano nelle paludi, ed hanno tre punte acutissime; si fanno bollire, si tagliano col coltello, ed hanno dentro una polpa simile quasi a quella della castagna,
- ↑ Giovane da maritare.
- ↑ Di messer Losco, nome o soprannome supposto.
- ↑ Non vi bado.
- ↑ Mare de diana! Esclamazione, come se dicesse: corpo di bacco! ecc.
