![]() |
Questa pagina è stata trascritta e formattata, ma deve essere riletta. | ![]() |
282 | de motu. |
gravitate in medio. Et hoc contingit in omni continuo: ut inter
lineas a, b, quarum a maior, possunt esse infinitae lineae mediae,
minores quidem a, maiores vero b (cum enim excessus, quo a
superat b, sit linea, erit infinite divisibilis): non tamen dicendum est,
lineam a infinite excedere lineam b, ita ut, etiam si b infinite
multiplicetur, non componat tandem lineam maiorem ipsa a.
Et ita, pari ratione, si intelligamus a esse celeritatem in
vacuo, 6 vero celeritatem in aëre, poterunt quidem esse
inter a et b infinitae celeritates, maiores quam b et
minores quam a: nec tamen concludendum erit, a infinite
excedere ipsam b, ita ut tempus in quo fit celeritas a, in se
quantumlibet multiplicatum, nunquam tamen possit excedere tempus
celeritatis b, et, ideo, celeritas temporis a sit instantanea. Patet
ergo quomodo intelligendum sit: Levitas vacui infinite excedit
levitatem medii, ergo celeritas in vacuo infinite excedet celeritatem
in pleno. Conceditur totum. Ergo celeritas in vacuo erit in
instanti, negatur. Potest enim esse in tempore, sed breviori quidem
quam tempus celeritatis in pleno; ita ut inter tempus in pleno et
tempus in vacuo possint infinita tempora intercedere, hoc quidem
malora, illo vero minora: et ita non est necessarium, motum in vacuo
fieri in instanti, sed in tempore minori quam sit tempus motus in
quovis pleno. Quare, ut uno verbo dicam, hoc totum est meum
intentum: ut si sit grave a, cuius gravitas propria et naturalis sit 1000,
huius in quovis medio pleno gravitas minor erit quam mille, et, ideo,
celeritas sui motus in quocunque pleno minor erit quam mille. Ut
si intelligamus medium, cuius tantae molis, quanta
est moles a, gravitas sit tantum 1, erit in hoc
medio gravitas a 999; quare etiam sua celeritas 999:
et solum celeritas ipsius a erit mille in medio ubi
illius gravitas sit mille; et hoc nullibi erit nisi in vacuo.
Haec est solutio argumenti Aristotelis: ex qua satis intelligi potest, quomodo in vacuo nullo pacto requiratur motus instantaneus. Cetera argumenta Aristotelis nullius sunt roboris et nullam habent necessitatem. Nam dicere, exempli gratia, in vacuo non magis huc quam illuc, aut sursum quam deorsum, movebitur mobile, quia non magis versus sursum quam deorsum cedit vacuum sed undique aequaliter, puerile
1. ut in linea inter – 10. quam a esse nec – 17. tempo – 32. quomo – 36. undiquae –