Pagina:Marston.Ms.56.1-45.djvu/25

Da Wikisource.
Jump to navigation Jump to search


o ne insì egoa in grande abundancia, si che n'avem tuti asai da beive, per lor e per le lor bestie, e lo nostro segnor Dee fo irao contra de Moizes per che o non onorà lo so nome davanti a li figij d'Issael e ge disse: "Tu non menerai quello povo in la terra che o promisso a lo pastó Abram, Izach e Iacob, e quello logo è ihamao Mon e è logo de contradiciom per la felonia de li figij d'Issael chi intentàm lo nostro segnor Dee.


Chì se contèm como li figij d'Issael conbantèm com Amalach e como e zem a lo monte Sion.


Or in quello, quelli de Amalech vegnem e si conbatèm con li figij d'Issael, e Moizes disse a Ioxoe chi era so soxoro: "Va e serni IIII M. omi armai e va contra Amalech". E Ioxoe ze e pigià quella soa gente e ze contra Amalech, e Aron se movè con atri omi e ze in cima de una montagna. Or Ioxoe incomenssà la batagia con Amalech e Moizes tegniva la man asá a sé co la verga, e fava oraciom a lo nostro segnor Dee per li figij d'Issael, e quando Moizes tegniva la man asá a sé, Ioxue si venseiva, e quando o l'asbasava Amalech si avansava. Or le maime[sic] e brasse de Moizes eram pezente[sic] e si non le poiva tegní in ato a la soa vorente', e Aron com sexe omi, trei da l'um brasso e trei da l'atro, si lo assavam su in ato e sostegnivamlo piaschu da la soa banda, e per questa via non increseiva a Moizes a tegní le soe maim ate fim a lo stramontá1 de lo sol. E cossì Ioxue vensse Amaleth, poa lo nostro segnor Dee disse a Moizes: "[Scrivi] in um libero, che o destruto lo nome e la remenbranssa de Amalech, per la man de Ioxue, de sorva la terra". E Moizes disse a li figij d'Issael: "Cantai alegramenti a lo Segnó che la soa man a conbatuto[sic] contra Amalech" e ihamà quello logo Prea de Fortessa, e questo fo in lo terso meize che li figij d'Issael insìm de Egito, e in quello iorno vegnem sanai, e poa Moizes montà in la cima de lo monte, e lo nostro segnor Dee disse a Moizes: "E ti Moize dirai a la caza de Iacob e a li figij d'Issael: Voi mesmi avei visto so che o faito a li figij de li Egicem[sic] e como e v'o treto de Egito com mam forte e inpersò voi odirei la mea voxe e oserverei li me comandamenti, e sarei povo recto e beneiti sorve tuti li povi chi saram in terra, e sarei beneiti in lo me nome, saserdoti e gente santa. E queste som le parolle chi ti dirai a li figij d'Issael". Alaora Moizes deseize zu de lo monte e avizà tuto lo povo e dege a intende so che lo nostro segnor Dee ge avea dicto, e quando ello ge ave dicto so, tuti a una voxe criàm: "Noi faremo tuto so che lo nostro segnor Dee a comandao". E poa Moizes tornà a lo nostro segnor Dee e dissege la responciom de lo povo, e lo nostro segnor Dee disse: "Aora e veirei una novera sorve lo povo e si me odiràm parlá conteigo, e creiram per tuto tenpo". Disse lo nostro segnor Dee a Moizes: "Va a lo povo e santiffichalo anchoi e deman, e fa che elli lavem tute lo lor vestimente". E Moizes ze a lo povo e dissege: "Seai aparegiai a lo terso jorno a la matim, che e desenderà lo nostro segnor Dee in lo monte Sinai a vista de tuta gente". E asignà terme intorno lo monte, cossì como lo nostro segnor Dee ge avea comandao, e dissege che nissum tochasse ni montasse sum lo monte, persochè tuti quelli chi so tacassem[sic] ni ge montassem saream morti, e cossì le bestie com[sic] li homi e tute quelle cosse chi tochassem lo monte. E quando o vegne lo terso iorno che l'arba se ihera, e vim lo bruxó de li troin e lo respendir de li lanpi e la grande sprendura de le nivore chi crovivam tuto lo monte, e le tronbe e tronbete favam si grande la bruda che tuto lo povo chi era in l'oste avem grande poira e zem inver lo nostro segnor Dee li a pé de lo monte Sinai, e lo monte si fumava a modo de una fornaxa, si che tuto lo povo era spaventozo, e lo som de le tronbe andava ogni jorno cressando. Alaora Moizes se aparegià per andá a reseive lo nostro segnor Dee, e montà sum la cima de lo monte, e quando o ge fo, lo nostro segnor Dee disse a Moizes: "Moizes, avanti che ti faci atro, va a sconzurà lo povo e dige che non passem lo terme che ti g'ai mostrao". Disse Moizes: "Segnó, lo povo non porà montá sum lo monte chi te g'e deveao e de non fá contra li toi comandamenti, e si me comandasti che elli

  1. stramonta