 |
Questa pagina è stata trascritta ma deve essere formattata o controllata. | |
offerì la rena Saba a lo tenpio, e menane Ioachim e soa mogé e tuta la soa gente, e menàne per ihavo Ioromia proffea[sic] e menassene Daniel, Misael e Naria e Azaria, e misse nome a Daniel Badasal, e a Misael Sidrach, e Anani Midrach, e a Azaria Abdanago, e levà re per soa vorontae Amatisia, chi era barba de Ioachim, e regná in Ierusaelm[sic] agni XI e Nabucdonozor ge misse nome Dexidras, e questo re vivè in ree overe, e seando Nabucdonozor in Babilonia, si fe fá una statua de oro chi era ata LX goa, e fe fá una cria che tuta la gente vegnissem orá quella statua, e che fossem tuti aparegiai quando e odissem le tronbe e le nachare e li atri strumenti. Or tuti quelli de la terra fem quello che Nabucdonozor avea comandao, e in quello tenpo eram trei fantin in Babilonia, Anania, Azaria e Misael, e quando li atri andavam a orá quella statua, quelli trei fantin non ge andavam, unde o fo archuim davanti Nabucdonor[sic] chi ge dissem como quelli trei fantin non voream orá la statua, cossì como ello ave comandao, de che Nabucdonozor se irà e comandà che quelli trei fantin ge fossem mene' davainti[sic], e, quando e ge fon, o ge disse como era so che elli avesem tanto ardimento che elli desprexassem li soi comandamenti, per che elli non voream orá lo so dee. Respozem quelli fantim: "Sapi, segnó re, che noi non oramo li toi dee, pesochè elli non son dee, avanti, e sum overe faite per man de homo, ma noi oremo e cremo quello Dee chi a creao e faite tute le cosse de questo mondo". De le que' parolle Nabucdonor fon[sic] pin de grande ira e disse: "E zuro per li me dee, che se voi non orerai anchoi li me dee, che e ve farò zitá inter una cadera o fornaxa ben ardente, e faròve bruxá nui. Or quando vegne l'umdeman, Nabucdonozor comandà che le tronbe e le nachare fossem sonae segondo che era uzansa, unde tuta le gente de la terra ge zem orar quella statua, e quelli trei fantin non ge vossem andar, e lo re fe comandà che elli fossem zitai inter una fornaxa, e quando li fantin ghe fon dentro, incontenente o desseize lo angero da cel e intrà con elli inter la fornaxa, e la sama stava IIII-VIIII goa sorve la fornaxa, e se ge bruxà tuti quelli chi atisavam lo fogo, e a li trei fantin non fe nissum mar. E lo angero andava dentro la fornaxa con elli. E de li antenpo[sic] si vegne anchora Nabucdonozor in Ierusalem e si preize lo re chi se ne fuxiva[sic] per lo piam de citae de Iericho, e menàlo in Antochia e felo degolar in corte, e semegeivementi o ge fe degolar davanti li soi figi forti e a ello o ge fe trá li ogi e poa o lo menà con li soi cavaler in Babilonia, e questa fo la stralataciom de Babilonia, de la qua se parla in lo Avangerio. E li figi d'Issael stem in quella cativete' agni LII-, e tuto quello ge vegne per lo peccao che avei odio de sorva. Sirio, re de Persia, per lo comandamento de lo nostro segnor Dee, si comandà che lo tenpio de Ierusalem fosse refaito, lo qua era staito destruto, e fe retornà tuti li Zué a caza lor, e che elli poissem retorná a la lor vorentae.
Chì se contèm da la morte de Saramon chi fo fin a Ioxep.
dixe in lo libero de li re che da lo iorno che morì Saramo fin a lo tenpo che lo tenpio fo destruto si fo agni CCCCXI e meixi VI e iorni X, e fo da la primera cativetae de li figi d'Issael che insìm de Egito tan fin a quella cativetai de Nabucdonozor fon agni DCCLX.
Or, quando Ioachim insì de Babilonia, si ave um figo chi ave nome Salatel, e Salatiel ave um figo chi ave nome Zarabobel, e Zarabobel ave um figo chi ave nome Abia, e Abia ave um figo chi ave nome Eliachim. E in quello tenpo si vegnem quelli de Antiochia sorve la citae de Ierusalem, e si non la poem prende, e lantora Iuda Machabeo si goerezà con soi frai, e con quelli o fe grande batage, e a la fin i desbaratàm tuti quelli de Antochia, e amasàgene asai de quelli. Or Eliachi ave um figo chi ave nome Abuit, e questo Abuit ave um figo chi ave nome Alchazal, e questo Alchazal ave um figo chi ave nome Matam, e Matam ave um figo chi ave nome Iacob, Iacob ave um figo chi ave nome Ioxep, era propiamenti de lo linago de la nostra Dona madona santa Maria Maire de lo nostro Segnor messé Ihu. Xe. E vegne cossì la generaciom dritamenti tam fin a nostra Dona da re Davit. E l'è staito senper uzansa, e è anchora, che caschu re fava scrive le soe generaciom, ma re Erodes, quando ello regnà sorve li figi d'Issael, non la fe scrive, persochè
