 |
Questa pagina è stata trascritta ma deve essere formattata o controllata. | |
quelli de quella terra fon tuti convertij e sanai de le lor infirmitae. Or cheite che um jorno che Ioxep devea fá um leto a um onoreive homo, e, quando ello goardà a lo so legname, che o se creiva che o fosse bon a fá quella overa, e mezurandolo o trovàlu[sic] pu curto cha l'atro, e ello se incomensà a contristá, persochè o non avea trovao legname cossì como o vorea, e lo Fantim messé Ihu. Xe. si vegniva da trepá de fora con li atri fantin, e intrà in caza, e vi Ioxep sta monto tristo persochè o non avea trovao lo so legname sufeciente a lo lavó che o vorea fá, e lo Fantin ge disse: "Ioxep, non sta tristo per questo legname e piga lo legno pu curto cha l'atro" [...] e disse a Ioxep. "Piga l'atro cavo" e tegando[sic] piaschum lo so cavo in man, disse lo Fantim a Ioxep che ello tirasse a ello, e tirà caschum lo so cavo, e fo la vorente' de lo nostro segnor Dee che lo legname cressè como era lo atro. Disse lo Fantim: "Ioxep, piga lo to legname e fa lo toa overa". E lantó Ioxep loà e benixì lo nome de messé Ihu. Xe. Aprovo so messé Ihu. Xe. si conpì agni VI.
Chì se contèm como lo angero disse a Ioxep che ello con la Dona e con lo Fantin tornasem in terra de Iudea e che e zeisem avanti in Nazaret.
essé sam Maté avangelista disse: poa che re Erodes fo morto, e vegne lo angero a Ioxep e si ge disse: "Torna lo Fantin e soa Maire in terra de Iudea, che tuti quelli chi lo serchavam de ocí som morti". E lantó Ioxep e nostra Dona e lo Fantim tornàm in terra de Iudea, e cossì fo conpio la proffecia de Isaia proffeta chi disse: "De Egito si a ihamao lo nostro Segnó lo so Figo".
Or Ioxep odì dí che Archilaus si regnava per tuta Iudea in logo de so paire, e teme de andà abitá in Ierusalem, e ze a abitá in una terra de Galiea[sic] chi a nome Nazaret, e in so fo conpio so che fo proffetezao per messé Ihu. Xe. chi disse che ello sarea ihamao Nazareno. Or cheite che, stagando messé Ihu. Xe. in Nazaret, o se andava deportando con li atri fantim, e questo fo in una piassa unde era um stagniom de aigoa, chi in quelli iorni era novamenti tronao, e stagando lí messé Ihu. Xe. con li atri fantin, si preize de lo fango de quello stagon[sic] e fe XII generaciom e figure de oxelli e disse: "O oxelli, e ve comando che voi dege' vorá e vive". E quando li oxelli odìn lo comandamento de Dee, si se levàm in corpo e incomensàm a volar. E poa lo Fantim Ihu. Xe. disse a la aigoa: "E te comando che ti sei schelente ihaira como po esse niguna aigoa de fontana". E quando lo nostro segnor Dee fe so, si era lo di de sabaot, e li fantin chi eram con ello si lo dissem a ló pairi, e lantora li Zué zem a caza de Ioxep e si ge dissem: "Ioxep, castiga questo to figo che ello non fassa cotae cosse, che non è bem fá archuna cossa in lo jorno de lo sabaot". E Ioxep si ge respoze: "Nissum non lo porea castigá, salvo soramenti lo nostro segnor Dee.
essé sam Lucha dixe che quando messé Ihu. Xe. ave conpio agni XII, si ze Ioxep e nostra Dona in Ierusalem a la festa, cossì como era uzansa, e quando lo jorno de la festa fo conpio, Ioxep e nostra Dona se ne tornàm in Nazaret, e messé Ihu. Xe. si romaze in Ierusalem, e nostra Dona se pensava che o fosse con Ioxep, e Ioxep che o fosse con nostra Dona, e quando elli fon andati[sic] tuto quello jorno, e nostra Dona e Ioxep se trovàm inseme, disse nostra Dona a Ioxep: "Ioxep, unde è lo Fantim?" E quano[sic] e vim che e l'era romazo, si tornàm in Ierusalem, e, de lì a tre[sic] iorni, e lo trovàm a lo tenpio, che ello sezeiva in mezo de li meistri de la leze e desputava con elli, e tuti quelli chi l'odivam se maravegavam de la soa dotrina, e la nostra Dona ge disse: "Figor, che fai-to cossì, che non te trovamo?" E messé Ihu. Xe. ge respoze: "Che vo dí so, che me andai sercando? Non savei-vo voi che o me covem esse in quelle cosse chi sum de lo mé Paire?" E elli non inteizem quella parolla. E poa messé Ihu. Xe. se partì e ze in Nazaret, e nostra Dona si pensava sum le parolle che ave' dicto messé Ihu. Xe.
Or avei odío como messé Ihu. Xe. nassè in lo tenpio[sic] che Sezaro Augusto era inperao de Roma, e segnorezava tuto lo
