 |
Questa pagina è stata trascritta, formattata e riletta. | |
| 15 |
Quæ virus letale nimis, quæ dira colubri
Inferni imperia dispulit, atque necem
Mutavit vita, et clausas reseravit olympi
Ob vetitum facinus, sanguine morte fores.
Paucaque mandavit, posset cum multa, superne
Consuluit, miris alloquiis docuit:
Externis uti validum ut sit corpus, et ipso
Sic uti, afflictæ ut sit requies animæ;
Ast anima utendum, toto ut præcordia nisu
Ipsius observent inclyta jussa Dei.
Nunquam sic helice, nunquam Cynosura vaganti
Servanda est nautæ, per tumidum pelagus,
Grandibus hinc fidei pennis super æthera mentem
Spes sistat, firmo glutine sistat amor.
Ut cœlum primo quod longe pulchrius horto
Ipse repromisit Omnipotens Genitor,
Spectemus cupidi nimium mutasse misellam
Sedem felici, sydeream lutea.
Finis.
Ad honorem Dei et utilitatem nostram.
In Die S. Cæciliæ MDXXIV.
