 |
Questa pagina è ancora da trascrivere o è incompleta. | |
| ⭑[ 41 ]⭑ |
Stravaganz del trenta-pari,
Smargiassad, bulad, caprizi,
No gh’è burla, van’in pari,
Se dan man con tucc’i vizi:
O Milan set persuas,
Che l’è quest ’ inchoeu el to cas?
Miss che s’abbia sótt’ai pèe
Ona voeulta i massem vecc,
No se porta l’oeucc indrée,
No se guarda sora ai tecc;
Se par tanti inspiritàa,
No se voeur che novitàa.
Novitàa de tratt, de moeud,
Novitàa in del devertiss
Novitàa, e petit de schoeud
In la foeusgia del vestiss;
E se ved’i bottiatt
Cont’i moster de scarlatt.
