 |
Questa pagina è ancora da trascrivere o è incompleta. | |
| - 147 - |
- Notizia falsa de la mort d’on viv.
- ---
- SONETT.
Mœur de mort improvvisa on Arconaa,
Modell di Cavalieri de Milan,
E perchè el mè cognomm forniss in aa,
Se dis che el mort sont mi, se fa baccan.
Per di tal e qual l’è la veritaa,
Sto regordin ’ patètegh, sto dan dan,
El m’ha faa on poo de colp, el m’ha sturbaa,
Tanto pù che me senti e viv e san.
Se fuss’ona donnetta, disarev
Che m’han slongaa la vita, e su sto sogn,
Giugand al lott, fors’anca vengiarev.
Mi mò in scambi, el confessi, in sta vôs chì
Recognossi on avvis del gran besogn
Che gh’hoo pur tropp d’ess preparaa a mori.
