Questa pagina è ancora da trascrivere o è incompleta. |
Capitolo 4
Ra storia de Pinochio col Soutaruco-che-parla, agnoche se vede che i pize catie i no vo sefei coreje da ci che sa pi de lore
Donca, pize, ve dijarei che fin che i menaa chel por Bepeto
zenza colpa in prejon, chel sbiro de un Pinochio, scanpa da
ra sgrinfes del polizioto, el se ra mocaa fora par ra
canpagna, par rua a ciasa in prescia; e l corea cosci de oga che 1
soutaa sora i ruoes pi fonde, ra cejes da spines e i fossai de aga, come
i chetis o i liore che i no vo se lascia brinca dai cazadore.
Rua daante ciasa, l a data ra porta maestra sarada. L a daerto, l e ’su
inze e, apena betu el ciadenazo, el s a bicia ’sobas e l a tira el fiado
contento.
Ma l so contento l a dura poco, parceche inze cojina l a sentu
calchedun che fejea:
- Cri-cri-cri!
- Ci elo che me ciama? - l a dito Pinochio duto spasema.
- Son io!
Pinochio el s a volta e l a vedu un bel soutaruco che l sin ’sia pian
pian su par el muro.
- Dime, soutaruco, ci sosto?
- 16 son el Soutaruco-che-parla, e stago inze sta cojina da zento e
passa ane.
- Ades sta cojina r e mea - l a dito el buratin - e se te vos propio me
contenta, vatin alolo e no te volta pi indrio.
- No m in vado da ca - l i a respondu el soutaruco -fin che no t ei
dito na gran verita.
- Dimera, ma sentreete.
11
11 |