 |
Questa pagina è ancora da trascrivere o è incompleta. | |
zento sees l ea ormai duto inpionba, da ra testa fin ’so dai pes. De
seguro el no n aea mai fato na fadia cosci granda.
- Fin ancuoi, ra fadia de tira su r aga dal pozo - l a dito el frutariol - i
ra fejee fei al me muse: ma ades chera por bestia r e deboto fora in
son.
- Me menao a l vede? - l a dito Pinochio.
- Ai, vorentiera.
Rua inze inze stala, Pinochio l a vedu un muse conza ’so sul strame,
meso ’su da ra fame e dal laoro. El l a varda fis e l a dito, nafre
scoutri:
- Epura io el conoscio, chel muse! Ei beleche vedu chel mus!
El s a sbasa ’so ves de el e l i a damanda, inze ra parlada dei muse:
- Ci sosto?
A se senti damanda sto tanto. el muse l a daerto i oce, che ormai i no
lujia pi, e l a balbota, senpre inze ra parlada dei muse:
- Son Pa... e... ro...
In chera, l a sara i oce e l e morto.
- Oh! por Paero! - l a dito Pinochio sote osc: l a tolesc su na brancia
de strame e l s a spaza via ra lagremes che es i corea ’so par ra
goutes.
- Sosto cosci pasciona par un muse che el no n ea gnanche to? - l a
dito el frutariol. - Ce arae da di io, che me l aee cronpa par un grun
de sode?
- Ve dijarei... l ea un me amigo!...
- Un to amigo?
- L aea sta a scora con me!...
- Ce?! - l a dito ’Sorso, e l s a betu a ride. - Ce?! Tu t aees un muse a
scora con te! Cissa cuanto che are inpara!...
El buratin, aveli da chera paroles, l a taju, l a tolesc su ra copa de late
ancora cioudo e l sin e torna ves ciasa.
150
| 150 |
