A se senti ciama Polentina, Bepeto l e deenta ros come l fo, el s a
volta ves el marangon e l i a dito duto stiza:
- Parce me ofendeo?
- Ci ve ofendelo?
-Mae ciama Polentina!...
- No, no son sta io.
- Alora sarei sta io! Io digo che se sta vos.
-No!
- Ai!
-No!
- Ai!
Senpre pi scioudade su, i s a ciapa inze, i s a sgrinfa eisa becota.
Na ota feni, Babo Tone el s a ciata inze man i ciaei ’sai de Bepeto, e
Bepeto el s a inacorto da ae inze bocia i ciaei bije del marangon.
- Rendeme i me ciaei - l a craia Babo Tone.
- Vos rendeme i miei, e son paze e pagade.
Dapo de s ae rendu i ciaei, chi doi veciote i s a da ra man eisa
inprometu de resta amighe par duta ra vita.
- Donca, Bepeto - l a dito l marangon canche i s a corda via - ce
piazer voreo che ve feje?
- Vorarae un toco de len par fei el buratin, me l dajeo?
Babo Tone, duto beato, l e ’su alolo a tuoi sul banco chel stizo che el 1
aea tanto spasema. In chera che l i lo dajea al so amigo, el len el s a
moesc, lie scanpa fora de man e l e ’su a peta un colpazo inze ra
schenela scaderles de chel por Bepeto.
- Ah Tone, aeo sto zanco ca canche daje via algo del vosc? M ae
deboto inzoti!...
- Ve ’suro che no son sta io!
- Ai, ai, alora sarei sta io!...
- L e duto colpa de sto len...
5
