 |
Questa pagina è ancora da trascrivere o è incompleta. | |
- Se sa che l conoscio! L e chel por pare! T alo dito algo de me? Me
menesto da el? Elo ancora vivo? Respondeme, te preo, elo vivo?
- ’Sa tre dis l ei data sul lido del mar.
- Ce fejeelo?
- L ea drio a se fei su na barcheta par passa fora l Gran Mar. L e pi de
cuatro mesc che chel poranima el ’sira par el mondo: el no n e ancora
sta bon de te data, e ades l s a betu par ra testa de zarpi i paese pi
indalonse.
- Cuanto elo da ca fin la dal lido? - l a damanda Pinochio duto
despregura.
- Pi de zinchezentomile pasc.
- Zinchezentomile pasc? Colonbo me, ce bel che sarae se aesse ra to
oujores!...
- Se te vos vieni, te meno io.
- Cemodo?
- A caaloto. Pesesto tanto?
- Ce mai! Son lesier come na foia.
Zenza di outro, Pinochio l e monta su sun schena del colonbo, na
janba de ca e una de la come che fosse un caal, e l a craia duto alegro:
- va de galopo, va de galopo, caalin, che ei prescia de rua!...
El colonbo l e moesc de speron batu, e inze poche menute l e rua
tanto in su, che l tociaa deboto ra neoles. Na ota rua cosci in outo, a
Pinochio i e vienu ra chiza de varda in ’so: l a ciapa na paura e na
stornita cosci granda che, par no ris-cia de toma ’so, l a intorcola i
brazuche intor el col del so caal co ra piumes.
I a viasa dutaldi, e sul sol fiori el Colonbo l a dito:
- 16 ei na gran siede!
- E io na gran fame! - l a ’sonta pede Pinochio.
- Fermosse nafre ca inze sta capia, e dapo se beton danoo in viaso
par rua doman bonora sul lido del mar.
75
| 75 |
