Pagina:Pitrè - Canti popolari siciliani I, 1891.djvu/203

CANZUNI.

CAPITOLO I.

BELLEZZE DELLA DONNA

—

1. Quannu nascisti tu, stidda lucenti,
’N terra calaru tri ancili santi;
Vìnniru li Tri Re di l’Orienti,
Purtannu cosi d’oru e di brillanti;
Tri aculi vularu prestamenti,
Dannu la nova a Punenti e a Livanti;
Bedda, li to’ billizzi su’ putenti!
Havi nov’anni chi ti sugnu amanti. (Borgetto).

*

2. Quannu nascisti tu, facciuzza pronti,¹
Lu suli annavanzau² ’n’átri du’ tanti:³

1. Pronti, per la rima, invece di pronta.
2. Annavanzau, lo stesso che avanzau, avanzò, crebbe, si fece avanti.
3. Altri due tanti.