Questa pagina è stata trascritta e formattata, ma deve essere riletta. |
DESIDERIO, SPERANZA | 207 |
Ti vuogliu amari, ed amari ’un ti puozzu,
Mi vieni ’n suonnu ti strinciu e t’abbrazzu1
(Casteltermini).
*
68. E di Palermu mi vinni un granatu,
Di Siragusa ’na bella lumia,
A Chiazza cci nn’ è un arvulu ’nsitatu, 2
Ca di li fogli cummoglia 3 la via;
Ddassutta cci sta un lettu ben cunzatu,
Unni arriposa la patruna mia;
O Ddiu, chi cci fussi cummitatu!
Mortu di fami mi cci curchiria. (Caltanissetta).
*
69. Arsira cci passai dunni Anciledda,
’Nta la càmmara sua lucia ’na stidda;
Idda mi parsi graziusa e bedda,
Ca lu mè cori si ’nciammau d’idda:
’Nta lu cuoddu tinia ’na zagaredda, 4
Un pumu russu avia pr’ogni mascidda;
O Ddiu, mi farissi sciannachedda, 5
Quantu m’abbrazzu a lu cudduzzu d’idda!
Guardala la me Ddia quant’era bedda!
’N celu lucia la Luna, e ’n terra idda.
(Castelbuono).