 |
Questa pagina è stata trascritta e formattata, ma deve essere riletta. | |
| 224 | CANTI POPOLARI |
Vui siti lu mè Suli e la mè Luna,
Vui siti la mè Stidda tramuntana;
Un occhiu di li toi vita mi duna,
Unu fa ’nsinga e l’àutru mi chiama;
Chistu è lu focu chi m’ardi e cunsuma:
Bella, a cu’ vogghiu io, cu’ sa si m’ama! (Boccadifalco).
*
112. Si’ ciamma d’oru cu ss’ucchiuzzu pintu,
E si’ comu lu Suli quann’è ’n pernu;
Si vôi lu cori mio, ti lu cunsignu,
Ed io lu cori tò forti lu tegnu.
Io sugnu comu l’armi di lu limmu1,
E cu li vostri lazzi m’ammantegnu;
Si pi sorti sfallisciu stu disignu,
Cci nn’hâ essiri assà’ chiantu e lamentu. (Palermo).
*
113. Cc’è malatu lu bellu di li marti (?)
Di la sua malatia mi nni sa forti2;
Vacci, curuzzu miu, cu’ ’ncegnu ed arti,
Va jèttati a li pedi di la Morti;
Dicci ca jetta l'ancura a àutra parti,
Ca pi sta bella nun cci ha ’ssiri morti;
Si sacciu certu ca sta bella parti,
Pigghiu un cutieddu e mi dugnu la morti. (Noto).
