Questa pagina è stata trascritta e formattata, ma deve essere riletta. |
238 | CANTI POPOLARI |
149. Stasira a li du’uri e vui viniti1
Siddu la porta è chiusa tuppiati 2,
Tirati lu licchettu e poi trasiti,
’Nta ’na seggia d’amuri v’assittati;
'N capu lu gunucchieddu 3 vi mintiti:
Quantu cosi d’amuri mi cuntati!
Ora ch’hê vistu chi amurusu siti,
Vi dugnu la funcidda4 e vui vasati. (Alimena).
*
150. Labbra cu labbra nn’appi la vittoria
Ddoppu dui misi di cruda vigilia;
Vitti li celi cu l’Eterna Gloria,
Li stiddi e pavigghiuna5 mirabbilia 6;
Stu vasuneddu7 nni faria la storia,
Ca ssa vuccuzza è focu tirribilia8;
Tu ciamma d’oru purtasti vittoria,
Si’ la Fata Murgana di Sicilia. (Borgetto).
*
151. Guarda, chi ’ngannu mi fici la Luna.
Quannu ii’ jia pri ’mmiezzu li strati!
- ↑ Parla la donna.
- ↑ Tuppiati, bussate.
- ↑ Gunucchieddu, dim. di gunocchiu, per dinocchiu, ginocchio.
- ↑ Funcidda, dim. di funcia, bocca; pigliasi anche per bacio.
- ↑ Pavigghiuna, plur. di pavigghiuni, padiglione.
- ↑ Mirabbilia, add., che ne’ canti popolari trovasi quasi sempre adoperato sustantivamente, ed è notevole rincontrarlo in quelli che indicano vittorie e trionfi; così nel canto che celebra il Vespro siciliano, citato a p. 103.
- ↑ Vasuneddu, dim. di vasuni, bacio.
- ↑ Tirribbilia, add., terribile. Nella foga della passione il popolo altera a sua posta o crea vocaboli di nuovo genere.