Questa pagina è stata trascritta e formattata, ma deve essere riletta. |
DICHIARAZIONE, PROMESSA, COSTANZA | 265 |
Lu vô’ sapiri, bedda, quannu cessu?
Quannu mortu sarrò, tannu ti lassu. (Palermo).
*
215. Eu schetta sugnu1 e schetta stari vogghiu,
Eu schetta moru s’ ’un mi pigghiu a vui;
Nn'hannu vinutu picciotti d’appoggiu,
Vui sulu mi piaciti e nuddu cchiui.
Cc’è mè mamma e mè patri ca nun vonnu:2
Mànnali a siddiari, e nenti cchiui3. (Termini).
*
216. Nesci lu Suli ’n punta di la trizza:
Ghiuvina, ca di tia mi 'nnamurai;
Si’ tutta meli, si’ tutta ducizza,
Comu la nivi squaggiari mi fai;
Nascisti bella, e ccu la tua ’rannizza
A lu Suli cci lievi li so’ rai4;
Si tu si' donna ca tieni firmizza,
Iu sugnu ’n uomu ca ’n ti lassu mai. (Noto).
*
217. Su' ’sciutu pazzu pri la tua biddizza,
Mi nni ’nciammai di tia, chi cci appi a fari?
Autra spiranza nun haju ca chista,
Si fermu mi tiniti lu parrari;
La mia parola passa comu è ditta,
Nun sacciu si la tua veni a mancari;