Questa pagina è stata trascritta e formattata, ma deve essere riletta. |
DICHIARAZIONE, PROMESSA, COSTANZA | 267 |
Bedda, pr’arricampari1 tutti st’anni
Squaglia la vita mia pr’amari a tia. (Castelbuono).
*
221. Un giornu pri ’n eternu o peni o guai,
Io non li potti soffiriri cchiui,
Lu cori di stu pettu mi strappai,
E la custanza mè la detti a vui;
Ora ca nn’haju amatu tant’assai,
Sulu si moru ’un mi scordu di vui;
Tutti li me’ suggetti dichiarai,
Chi a nuddu vogghiu beni, si no a vui. (Patti).
*
222. Iu juru a chistu Ddiu jàutu2 e superno,
Iddu fu muortu e sfacillatu fu;
Iu nun ti cangiu p’un amuri ’nternu3,
Mancu s’avissi a vinciri un Perù;
E si mi passa quarchi affettu ’nternu,
Iu nun ti cangiu mai si si’ tu;
Casca abbuccuni4 e si nni va a lu ’nfernu.
Ca pi5 facci di Ddiu ’un ni vidi cciù. (Noto).
*
223. Facci di specchiu di la me figura,
Cu’ voli beni a tia ti ’spetta fora,