![]() |
Questa pagina è stata trascritta e formattata, ma deve essere riletta. | ![]() |
306 | CANTI POPOLARI |
Criju ca si’ fatta di l’argentu finu,
Criju ca tutta d’oru ti stamparu:
Pi dàriti lu spassu e lu fistinu
Li pittura pi tia sfantasiaru1. (Palermo).
*
322. Tridici Conti 'n chiesa ti purtaru,
Quattordici Baruna cu tia fôru,
Quinnici Cardinala ti spusaru,
Dicidottu cummìtura cci fôru:
Ridiu lu celu, e l’aceddi cantaru
Cuntenti di stu nobbili tisoru. (Alimena).
*
323. Mamma, chi bella filla nutricàstivu!
A li rai d’ ’u Suli la mittìstivu,
E quannu a vattiari la purtàstivu,
’Nta fasciateddi d’oru la mittìstivu;
La Luna pri cummari vi pillàstivu,
Lu Suli pri cumpari vi tinìstivu,
E sia lodatu Diu la maritàstivu,
Chi gigliu d’oru di jènnaru avìstivu! (Alimena).
*
324. Cugnatu, cugnatuzzu, cosa fina,
Quannu ’un ti viju mi nesci lu ciatu;
Pigghiasti pi mugghieri ’na riggina,
Mancu si fussi lu Re ’ncurunatu. (Ficarazzi).
*
325. ’Gnuri cugnatu, cori di liuni,
Spincìtimi sta manica ’ncarnata;
- ↑ Sfantasiari, perder la fantasia.