 |
Questa pagina è ancora da trascrivere o è incompleta. | |
| — 120 — |
Foeura i fraa tucc in troppa, a la serenna,
Per vede el voi de sova reverenza;
Ma per quant corren, riven malapenna
A vedel grand pocch pu d’ona carsenza;
Deffatt quij di pee dolz, come son mi,
E quij cont el cuu grev han scusáa insci.
Passa l’ora del copp1 d’incoeu e doman,
Passa ona settimana, passa un més,
Meneman l’è chi l’ann, e el guardian
El seguita anca mo a sta giò di spés.
Resten i fraa ogni tratt coi ceucc per ari,
Locch e míncion pussee de l’ordinari;
Perchè infin, per quant fussen persuas
Ch’el so Diodatt el fudess sant de bon,
Nonostant ghe pareva ch’el so cas
Noi fudess minga quell d’on ascension
Oh catti diseven, nanch ch’el fuss Enoch,
Elia, o la Madonna, quell marzoch2.
Marcanagg! coss’hal faa de sorprendent
De guadagnass la fin de sant Franzesch?
Che utel ghe n’ha avuu de lu el convent?
Se no gh’era i cercott3 sí stavem freschi
Si: l’ann passaa, che hin mort squas tucc i vid,
Se stava a líi vorevem bev polid.
Basta, se vedará. Quand poeu han veduu
Che el specciall l’èva on opera de matl,
Han faa on olter guardian pu bottoruu4
E pussee grev al doppi de Diodatt;
Han miss di bonn ferrad ai finestron,
E s’el voeur sgorá5 anch lú, l’è bon patron.
Però, a gloria del santo Fondator,
El Pader general l’ha faa on decrett
Che de sto voi no s’en dovess descor
Sott penna de scomunega e interdetti
E che l’èva assee a di quant a Diodatt,
Che l’è passaa a la patria di beatt.
- ↑ l’ora del còpp: còpp, tegola; il segnale della mensa nei conventi francescani è dato battendo una tegola di terracotta oppure anche di ferro, (Nota transclusa da pagina 129)
- ↑ marzocch: allocco. (Nota transclusa da pagina 129)
- ↑ cercott: i frati incaricati della cerca. (Nota transclusa da pagina 129)
- ↑ bottoruu: fatto a botte, panciuto. (Nota transclusa da pagina 129)
- ↑ sgori: volate. (Nota transclusa da pagina 129)
