 |
Questa pagina è ancora da trascrivere o è incompleta. | |
EL VIAGG DE FRAA CONDUTT
(1816)
In sul defá1 de Sant Ambroeus andemm2,
Ch’el trottava, el trottava, e via via
El se trovava saldo al post medemm,
Lassand de part on bott la sacrestia3,
Ghe diroo coss’è occors, st’estaa passaa,
Al noster fraa Condutt, fraa desfrataa.
Fraa Condutt, come lor san mej de mi,
Per quella gran golascia del dinar
Come?... el cognossen minga? Oh questa chi
La me reussiss propi singoiar!
Corpo de bio bion, possibel mò
Che sien lor soli che noi cognossen nò?
Oh ben, come l’è insci, nagott de maa,
In pocch paroll ghen daroo mi l’ideja;
E se per sort Tincontraran in straa.
Me savaran poeíi di s’el ghe someja;
Che on cap rar de sta sort sora tuttcoss
Var la fadiga de possell cognoss!
Fraa Condutt l’è on magrozzer, on carcamm
D’on pret, longh longh ch’el par on campanin,
Cont on dianzen d’on pomon d’Adamm
Ch’el ghe sbaggia4 in lá on mja el collarin;
Lendenon5, coi palper besinfi, inninz6,
E el volt a boeucc come el formaj de sbrinz.
- ↑ In lul defí de....: a quel modo che... (Nota transclusa da pagina 135)
- ↑ Sani Ambroeu» andemm: modo volgare invece di ’ S. Ambrogio ad nemus * vecchia chieM medievale poco ditcoita dall’Arco della Pace, eretta nel luogo dove S. Ambrogio, fuggente da Milano per lotirarti all’episcopato al quale era ttato eletto a voce di popolo, dopo una notte di viaggio, come vuole la leggenda, ritrovoui al mattino tucccssivo. (Nota transclusa da pagina 135)
- ↑ latnnd.... la sacrestia: lasciando.... ogni preambolo. (Nota transclusa da pagina 135)
- ↑ sbaggia: sospinge. (Nota transclusa da pagina 135)
- ↑ lendenon: lendinoso, ed anche spelacchiato. (Nota transclusa da pagina 135)
- ↑ palper besinli, inninz: palpebre gonfie e inlaccate. (Nota transclusa da pagina 135)
