 |
Questa pagina è ancora da trascrivere o è incompleta. | |
Gh’eva in mezz a la gesa ona baracca
Fada a guglia a trii pian, volta1 come,
Con settaa su per su
Di bcj statov ae rivi e de bojacca2
Rappresentant la motta di virtú
Ch el mort el gh’eva, o el ghe doveva ave.
Intrattant di canton
Sbrodolaven giò scira3 in sui relev
Quatter candireron
Pien de torc de Venezia a l’uso»cv4.
Intorna via del pè del cattafalch
Cantaven come merli i sazerdott
Col so beli candirott
E el so liber in man,
Segond ghe comandava l’abaa Alban5,
Che svelt come on usell
El tendeva per tutt spacciadament.
No lassand nanch manca denter per dent
I soeu bravi coppon
Ai ceregh che patissen l’astrazion.
Giust in quella che intravi even lí adree
Per daghela a canta el Misereree;
E mi ch’el soo anca mi,
Póndem dedree di pret in genuggion
Per ajutall a dí
E profitta iiítrattant de l’occasion
De fa on quej poo de ben de mett ina6
Per quand ghe sará el cunt de comoda.
Mò el credarissev, ficeuj, che hoo avuu beli pari
A segnamm7 e a cerca de tend a mi,
Che no gh’hoo possuu propi reussíi
Ch’aveva de denanz duu strafusari8
De pret vicciurinatt, ch’a ogni tocchell
De salmo e de versett
Te ghe incastraven denter on tassell
De descors de politega e polpett.
- ↑ volta com’è: alta assai. (Nota transclusa da pagina 370)
- ↑ de rivi e de bojacca: di stoppa ricoperta con gesso modellato. (Nota transclusa da pagina 370)
- ↑ scira: cera. (Nota transclusa da pagina 370)
- ↑ sev: sego, (Nota transclusa da pagina 370)
- ↑ abaa Alban : Don Vincenzo Albani il cerimoniere di quel tempo nella Collegiata di S. Fedele. (Nota transclusa da pagina 370)
- ↑ mett ina : mandare innanzi. (Nota transclusa da pagina 370)
- ↑ segnamm: fare il segno della croce. (Nota transclusa da pagina 370)
- ↑ strafusari: inetti, sbadati. (Nota transclusa da pagina 370)
