 |
Questa pagina è stata trascritta e formattata, ma deve essere riletta. | |
| 498 | francesco malaguzzi valeri |
Scayolis et Julianus Levalossus Mercatores et cives Regini habentes curam et arbitrium a magnifica Comunitate Regii cudendi sive cudi et fieri faciendi monetas parvas sive bagatinos, quorum duo constituunt unum denarium ut constat ex provisione facto super eorum ellectionem sub die.
Nomine infrascripte Comunitatis sive communis Regii ex una parte et Jacobus filius Francisci de Martellis Civis Regii ibi presens ex altera se convenerunt ad invicem de et supra cussione et fabricatione dictarum monetarum iuxta formam capitulorum de quibus infra, quorum capitulorum utraque pars solemnibus stipulationibus hinc inde intervenientibus, videlicet dicti ellecti pro iis que spectant ad eos sive ad dictum Comunem; infrascriptus vero Jacobus pro iis que spectant ad eum promiserunt observare et adimplere sub poena ducatorum quinquaginta auri, solemni stipulatione premissa, obligaverunt etc. renuntiaverunt etc.
Quorum capitulorum tenor talis est videlicet. Primo. Teneatur ipse Jacobus facere et cudere suis sumptibus et impense de Bagatinis sive parvis qui medio numero extimantur in quantitate et ad sufficientiam pro usu Civitatis, discrictus et ducatus Regii et manutenere in tali copia quod non desint sub cunio consueto et cum cunio infrascripte Comunitatis Regii et hoc de Ramo bono et laudabiliter et ad laudem infrascripte Comunitatis sive agentium pro ea.
Item teneatur taliare facere et cudere quod de ipsis vadant centum quadraginta sex ad libram et pro libra qualibet ponderis et non minus nec pluris si possibille erit et hoc usque ad unum annum proximum dumtaxat, quo tempore finito intelligatur ex nunc finita facultas ipsa cudendi, nisi tunc fuerit reformatus ipse cussor.
Item teneatur dictos sic cussos presentare ipsis agentibus nomine comunis de tempore in tempus sicut cudentur ita quod non desint aut illi quem ordinabunt ipsi ellecti ac relapsare ponderando et assignando sibi per pondus et numerum, pro quibus recipere habeat pro qualibet libra ponderis illorum sic cussorum et factorum ut pensetur soldos sex monete currentis et quod semper quando portabunt usque ad libras octo ponderis denariorum predictorum de una vice ad alteram semper recipere debeat vallorem relapsando tamen absque receptione pretii stampe libras octo ponderis usque ad finem conducte.
Item quod non possit per se nec per alios aliquam quantitatem ex ipsis alicui alteri vendere, dare vel assignare aut permutare in parva vel magna quantitate sub poena, pro qualibet vice, librarum decem presentis monete Comuni Regii applicanda.
