 |
Questa pagina è ancora da trascrivere o è incompleta. | |
valde humanus et mitis, ac procul a tristi severitate religiosioris vitae , nec abhorrens ab ea studiorum elegantium suavitate, qua in actione humanarum rerum viri nobiles ac animo maxime tranquillo cum laude honestaque voluptate delectantur. E minoribus etiam sacratis viris robustus est et emendatus et hilaris in coronide suorum Caesarum , et in racemationibus amoenus et diligens Baptista Egnatius , qui Venetiis juventutem docet. Est etiam casta facundia Gregorio Cortesio Mutinensi Monacho, ut ex iis apparet dissertationibus , quas e Gregorio Nazianzeno in Latinum nitidissime convertit. Hujus civis est alter Gregorius cognomine Lilins (i), quem amarulento stilo de nostrae aetatis ingratis hominibus periculosissimum librum scripsisse cognovimus. Laudatur Hieronymi Nigri Veneti ingenium in toto eloquentiae studio sibi constans, foecundum, atque habile praesertim ad praeclare imitandum , quae est laus studiosis omnibus vehementer expetenda valde. Generoso spiritu rerum Bononiensium annales altes repetita urbis origine scribere est exorsus Achilles Bocchius Equestris ordinis. Sunt et alii admodum celebres, qui politissimis epistolis et minutis operibus non spernendam gloriam , sed eam tamen brevi interituram, consequuntur. Verum ii mihi similes videntur delicatis et pinguibus, et numquam salutem in discrimen pro laude vel commodo devocantibus, qui quum aliquo terrarum in-igna adbibit i festinandi diligentia sit properandum, a Porta viae Flaminiae an sextam et septimam usque mansionem mutatis ad celeritatem jumentis alacri animo et valentibus quidem membris provehuntur. At si continuatis ac longe extentis itineribus aut in Gallias aut in ulteriorem Hispaniam sit evolandum , totum id periculosissimi laboris officium reformidant, qui jactationem , solem , pulverem , sitim nequaquam patienter ferre queant, fatiscentibus omnino scilicet convulsique artibus ad insolitum ac vehementissimum laborem. In hac comparatione.Musetius quum effuse rideret. testatus est Pontanum ipsum , qui fuisset in coronis elegantium Luminum cmn (i) TIa qui errato il Giovio facemlo concittadino dcl Cortrec inodenese il Giraldi, chc ccrtawciite fu ferrartsc
