Pagina:Varon milanes.djvu/9

Da Wikisource.
Jump to navigation Jump to search

11

SONETT

DEL COMPONÒ DE LA NEUVA RACOLTA MILANESA.

Contra la cattiva lengua.


ON quai gavasg da most, on quai soin
     Dirà, cha l’è fadiga da negota
     E quel ch’à fai sti cos, ca l’è on balotta
     A tirà sti vocabel dal latin.

Mi ghe respondaroo, cha l’è on’ porscel,
     E chal vaga a zafà de la corobia,
     E cha nol sà gnan lù quel chal se vobia
     A vorè strapazà sto scartabel.

Ovver sal veur de mei, cha ’l faga an lù
     Quai cosorina, che sa ’l hà sciervel,
     Quel cha l’è bon da fà, se vedrà peù

Ma fin chal tas, mandel a lavà i squel,
     Sal s’ostinas, pogegh ona taleura
     E disigh da mia part, cha’l vaga a scheura.