Pagina:Vital - Chanzuns popularas ladinas.djvu/55

Da Wikisource.

86


9. L’oberst Gmür non vlet conceder,
     Dschand ch’els sajan traditurs,
     Chi surmainan lur bun pövel
     Con manzögnas da stupur.

10. Qua passetna tuots in prescha
     Con tuots Gesslers e Jesuits;
     In Italia nu’ ls pateschna,
     Ma sun its fin ad Innsbruck.

11. Salis get in tuotta prescha
     Davo Mejer e Siegwart,
     Con seis gnif plajà con blassa,
     Tü meritast, traditur.

12. Ils confederats allura
     Sun rivats fin a Luzern,
     Con banderas da victoria
     Retschevüts sun con dalet.

13. Wilhelm Tell amo qui viva
     Con la frizza aint in man,
     Per s-chatschar ils Gesslers oura,
     Chi non possan plü far dan.

14. Viva nossa grand’dieta,
     Chi savet tant bain manar,
     Cha eir l’ester recognuoscha,
     Cha lur agir sia da lodar.

15. Vögl finir ma chanzunetta
     Con ingraziamaint da cour
     Vers nos Dieu da tuotta grazia
     Ed al general Dufour.


Nr. 43.


1. Pover cour, non das-chast plandscher,
     Co cha tü vainst turmentà.
     Ingiin orm’at voul complandscher;
     Stast retrat e conturblà.