Poesias (Sandri)/9
 |
Questo testo è completo. | |
| ◄ | 8 | 10 | ► |
Questo testo fa parte della raccolta Rätoromanische chrestomathie
| [p. 46] | 9. |
(Annalas XVII.)
Dad ün giuven sun l’amanta,
Chi nun ais güst co preschaint,
L’ais il Giunker Curdin Planta,
Sün quel he l’impissamaint.
5 Am da ster in allegria,
Eir siand da co davent;
Per ma chera compagnia
Pigliess Giunker lütenent.
Aunz cun giuven m’imprometter,
10 Al domand, sch’el ais purschel;
Il pü bain am comprometter
Poss dal Giunker Manuel.
[p. 47] Cur m’impais sün la sudeda,
Schi mieu cour vo suspirand,
15 E vuless gnir ingascheda
Da mieu Giunker adjutant.
Sè ster leigr’in compagnia
Cun ün giuven sün mieu bratsch;
Il plü bel, chi ais acquia,
20 Ais que bun Sar Gian Jenatsch.
Mê nun possa eau gnir stüfcha
Dal dschambun e nell’ dal pech;
Pero uossa clap la müffa,
Scha nun vain mieu Gudains Trech.
25 Eau sun quia üna giuvnetta
E sun auncha da barat,
Giavüschand, cha Dieu am detta
Franzais-chun per mieu tarat.
Nun fatsch mê la tschera trista,
30 Amatura sun del spass;
Que Tschandrin Sar Gian Battista
Bram eau co per ster a plaz.
Minch’utschè am’il sieu gnieu,
Scu eir ogni armaintet;
35 Uschè ais la spraunza mia
Gnicca, gnacca be sulet.
Sch’el ais trid, que nu’ m importa,
Be ch’el hegia brav murbign;
Perque pigl la buocha torta,
40 Chi ho nom Tumesch Martin.
Giov gugent a tschuppatschella,
A mignau e gnö la flur;
Duriin am fo la bella
E cupicha tuot suot sur.
[p. 48] 45 A mi plescha l’allemanda
Il pü bain da tuots ils sots;
D’ Sar Duri sun la tuschandra
Eir in temp dels pü grands chods.
Scha gniss bod üna schlitteda
50 Da noss giuvens buns schlittunzs,
Schi ’m vögl vair recommandeda
Al Poet per manaschunz.