Poesias (Cadieli)/1
 |
Questo testo è completo. | |
Gion Cadieli - Poesias (1913)
Il triembel
| ◄ | Poesias (Cadieli) | 2 | ► |
Il triembel.
(Nach Igl Ischi, S. 120, 1900.)
Ault ell aria vid duas guttas
Pend’ el saun il tschut de Diu,
Mira cun egliadas ruttas
Si encunt’ il tschiel nebliu.
5„Consumatum“ El suspira,
„Consumatum“ El ei morts:
Sut la crusch la mumma plira
E selegran ils cohorts.
Cheu sestgira tschiel e tiara
10Tras la notg resun’ il tun,
Ord la fossa vegn la bara,
Tut che fui en confusiun.
Mintga plonta che suspira
Trembla, plira de dolur
15Ina mo ei leu che mira
Senza tema e sgarschur.
Ed a quella clom’ en greta
Il scaffider giu dal tron:
„Pia trembla tia veta,
20Trembla ti e tiu affon.“