Prose e poesie bellunesi 2006/Desteisa

Da Wikisource.
Jump to navigation Jump to search
Sergio Masarei

Desteisa ../XX ../XXII IncludiIntestazione 13 novembre 2015 50% Da definire

XX XXII

Sergio Masarei (1943-2006)

Desteisa

I monc
dintourn
biei chiec
i tesc
curis
dan gran
ciapel de nei,

e grief
e nuof
l é l tof
dei ciof
morc ju
dal freit
slaient
del tert d’auton.

Pò chiet
e blef
l é l ciel
saren
che cor
desteis
dalonc
defin
che l và
a florì.

Ci pesc!
E pesc
l é ntourn
sui luosc,
sui mesc,
sui crap
arsis
dal sut,
dal sach
de fin sajon.

No sgola n corf,
no n é na ef,
no clama
n cin
de sort
de sen
de velch
de vif
danprò
dezes da mi.

Mefo l cuor
descor da sol
e l disc
dabas
che dal
jubas,
japè la val,
de sot ai bric
l à ben zachei
che l chier,
che l vol
che l à
dassan
d’amé.

Pò l tesc,
che res
mi son
d’amour.
Me ven en slai
da peté n crai:
Signor,
Signor,
l é bel,
l é bel
cassù
sul col
pro ti.

(fodom, da “Poesies de ra nostres – II”, 1988)