 |
Questa pagina è stata trascritta ma deve essere formattata o controllata. | |
732 Giachen Caspar Muoth
E quei contrist' il cor dil bien pastur,
10 Ch' ins detti pli ad el ch' a Diu l' honur.
Meins prigulus ein lufs tschervèrs ed uors,
Ch' ils lauds d' in pievel tschiec e ses recuors.
El tema che siu spirt de vanadat
Savessi macular la sontgadat.
15 Dal cuolm d' Ursera giu sbargatta spert
Il niebel eremit s. Sigisbert.
El passa sper il lac de Toma vi
E guarda sin las cornas dil Scopi;
El auda rumuront il giuven Rein
20 E bogna sia fatsch' el dutg serein.
Las scaglias dil Crispalt, la vall Sarcuns
Scadeinan e rebattan tschien d' arguns.
In clar solegl terlischa sil Badus,
Sclarescha cheu in tempel majestus.
25 Mo Sigisbert festgina vinavon;
In ferm disturbi dat all' olma donn.
Ils cuolms, las valls fan memia grond fracass,
Ch' ins sappi dir in paternies de bass.
E Sigisbert arriva giu en vall
30 Ed afflla cheu pertut in lartg vial.
Las pradas verdegheschan sco in jert
E selvaschinas cuorran ordaviert.
Mo selvaschinas portan distracziun
Ad in che vul quiet far oraziun.
35 E puspei tuorna Sigisbert ad ir
E vegn en in uaul desert e stgir.
El spess cagliom seperdan cheu ils trutgs,
Dischrina, sterpa staupan si ils dutgs.
Pignola stetga, pegns de tschentaners
40 Cuvieran plauns e spundas, crests, multèrs.
El a sin grips e largias attenziun.
Per insacó afflar la direcziun.
Mo pli affuns, ch' el vegn el vast desiert
E pli siu cor resenta dulsch confiert. —
45 El va, seruschna, cuorra giu e si
Entochen che la notg finesch' il di.
E dal stentus viadi strapazzaus
Eis el orsum in Conn uss arivaus.
El sesa giu sil crest, vul far in paus
50 Ed ei en paucs moments sedormentaus.
