Questa pagina è stata trascritta e formattata, ma deve essere riletta. |
BELLEZZE DELLA DONNA | 195 |
*
41. Àuta donna, ’na Riggina siti,
Ca biddizzi nn’aviti ’n quantitati
Di la stidda Nniana figghia siti,
La Luna soru, lu Suli v’è frati;
Li stiddi pri jucari li tiniti
E 'nta lu menzu du’ torci addumati,
Quannu un pedi a la porta vui mintiti
’N cielu vi accumpagnanu li Fati. (Palermo).
*
42. Ti maritasti, fonti di billizzi,
La Fata t’annutò1 la fataciumi,2
La Maddalena li so’ biunni trizzi,
La rosa russa lu megghiu culuri,
La nivi t’annutò li so’ bianchizzi;
Lu Suli t’annutò lu so sbennuri:
Quannu ti pèttini ssi biunni trizzi
Siti ’na vera Ddia sutta lu Suli. (Alimena).
*
43. Bedda, ca dintra e fora fa’ li rai,
’Nta ssa finestra siti scritta vui;
Ti jisti pi affacciari e mi allustrai:
Chissi su’ ucchiuzzi ca nun viju cchiui.
(Castelbuono).
*
44. 'Pollu, chi ’u3 carru firmateddu teni,
Firmata la filici palummina,