Pagina:Pitrè - Canti popolari siciliani I, 1891.djvu/222

196

CANTI POPOLARI

Firmati si ’firmaru li baleni,
Si firmaru p’onuri e curtisia:
Lu celu si firmau pi tantu beni,
La terra puru è firmata pi tia;
Firmati, stilli ed arii sireni,
Fermi un pocu, ca parra la mè Ddia.
(Camporeale).

*

45. La Luna ’n cielu, e vu’ luciti ’n terra,
Siti ’na donna di billizzi rari;
E spirluciti¹ cuomu ’na lanterna,
Cuomu varca a macieddu supra mari,
Nni lu tò piettu ’n aceddu cci verna,²
Nni la tò vucca un angilu cci arriri:³
Bella, ca fusti fatta ’n vita eterna,
Tutti l’arvuli sicchi fa’ hjuriri. (Casteltermini).

*

46. A lu mari di Letu ’un cc’ò cchiù funnu:⁴
Buonu fannu li donni ca ’un cci vannu;
Ora cci vaju iia ca ’un mi cunfunnu,
Staju di prima sira fina a juornu.
Quattru galeri spannati cci sunnu,
E ’n’antri quattru pri lu mari vannu;

1. Spirluciri, risplendere.
2. Vernari, svernari, dimorare in un luogo l’inverno; fig. vivere.
3. Arririri per ririri, ridiri, ridere, protesi comunissima nel nostro dialetto.
4. La favola del fiume Lete è giunta fino al popolo.