Alchünas Rimas Romaunschas/Il Bap noass

Da Wikisource.
Acrostichon
[p. 39 modifica]

Il Bap noass.


Eau admir da Dieu la grandezza
Eau ressaint da Dieu la bunted,
Eau vez aint mia egna deblezza
E non se co proferir pled;
5Dieu pero ho permiss ch'eau dir poass:
               Bap noass!

Mi 'oarma am disch cha Tü Segner
Abiteschast in lös beos,
Ch'ella dess vi da Te be's tegner
10Per havair il pü nöbels pos,
Cha Tü voust eir me immortel:
               Quel ch'est in il cel!
 
Ils aungels quels chauntan Tia gloria
Il firmamaint tschauntscha da Te,
15La natüra con vusch sunoria
Al professa sincera fe,
Perque 'T adorand disch eir 'l homm:
               Sanctificho vegna Tieu nomm!

[p. 40 modifica]


Tia pussaunza ais ineffabla
20Tieu reginam quel ais perfet,
Tia vögla sencha e stabla;
Ach sclarescha eir noass intellet,
Cha 'l homm dvainta bun, güst e prus
               Tieu rginam vegna tiers nus!

25Cur greivs meis visitan la terra,
Cur il cour air fich contristo,
Cur l'ödi fo nascher la guerra
Cur l'umaun ais tuot aggravo
Disch l'anim chi Dieu ressainta:
               30Tia vögla dvainta!

In cel ais perfett'armonia.
In cel lo non ais üngün led;
Ach poass' que dvanter eir a quia
Ch'ün salva tieu otissem pled,
35E cha 'l umaun crees as serra:
               Sco in cel eir in terra!

Ach Segner! Tia terra abbuonda
Scha nus be vulains cultiver
Schi ho ogni ün sgür avuonda,
40Tü piglast pe 'l crescher pisser;
Ach laschans quaist bain vi e vi:
               Do 'ns noass paun d'iminchadi!

[p. 41 modifica]


Sulet est perfet, Dieu otissem!
In nus ais il pcho dominant —
45Ach guarda con ölg benignissem
E grazcha ach fo 'ns Otregnant!
Tü chi sezzast in mez ils beos
          Perdunans noass pchos!

Noass' oarma dels pchos as ressainta
50Ils quels non savains inumbrer,
Ach cha la rüglenscha 's palainta
E 's reconziliescha cu 'l frer;
Fo tü ch' nus sinceramaing dschains:
          Sco eir nus perdunains!

55Nel muond ais zuond bgera deblezza
Et üngün non ais sainza fall —
Il bger ais errur — que as vezza
Del rest essens tuots d'ün metall;
Perque perdunain ils erruors:
          60A noass debitaduors!

Tü sulet, tü chi regnast o Segner,
Tü sulet, o Dieu, poust ans mner,
Ach laschans sul vi da Te 'ns tegner,
Sul nella virtüt 'ns allegrer: …
65 In noass cours, Tü evda luaint:
          E no 'ns mner in appruvamaint!

[p. 42 modifica]


Il mel dapertuot circondescha
La zuond povra umanited,
Il mel cumanzo saimper crescha
70E main' a dolur e grand led;
No 'ns lascher cruder in ün tel:
               Mo spendrans dal mel!

Segner! eau 't veneresch, eau 't am:
          Perche Tieu ais il reginam!
75Sün l'univers hest la vittoria:
               La pussaunz' e la gloria!
Cunbain pover schi Tieu sun:
                    In eternum!
Eau lod Tieu divin dictamen:
                         Amen!

[p. 43 modifica]


Giavüschand l’autur cha tres la publicaziun da quaistas produziuns aintra als disfortünos abitants da Felsberg la summa da fl. 100, ho el fat stamper 200 esemplars, ils quels stuan per que gnir vendieus a 30 kr. l'ün, haviand el svessa piglo sur las spaisas. El chapescha bain del rest, cha sias insignificantas lavuors non meritan que pretsch, ma d’otra vart ho el spraunza ch’ün non as pentiregia da spender que taunt, in vista del bun managiamaint. Alchüns falls da stampa, erruors d'ortografia et oter, gnaron benignamaing compatieus, siand il tuot sto fat con prescha.