Compendio biblico in lingua genovese/Chì se comensa la lezenda de la Pasiom de messé Ihu. Xe.

Questo testo è completo.

Anonimo - Compendio biblico in lingua genovese (1465)

Chì se comensa la lezenda de la Pasiom de messé Ihu. Xe.

◄

Chì se contèm como lo Segnó, passando per la pessina, ello goarì lo maroto che ge era staito tanto tenpo

Chì se contèm como li principi e li saserdoti fem consego per ocir lo Segnó, e chi se incomensa la Passiom de lo Segnó messé Ihum. Xpe.

►

[p. 57 modifica]

Chì se comensa la lezenda de la Pasiom de messé Ihu. Xe.

S

entando in mi mestesso che sum ordenao e misso in lo canpo de messé Ihu. Xe. quam vis dee che e non sea degno, pu o me convem overá l'overa, asochè e sea aseto a lo nostro Segnor Dee, e vegando in questo canpo, soè in questo mondo, monte piante non fam fruto per deffeto d'imó^[sic] de aigoa, si me sum misso a pigá de quella fontana viva de aigoa, soè de la sainta scriptura, segondo la mea posibilitae, e menala per conduto a quelle piante chi sum lonzi piantae da questa aigoa, asochè, quando sarà vegnuo lo tenpo de la mensiom, che lo Segnó de questo canpo non me dige che le frute de questo canpo som perdue inpreize per mea peigrixa, e me leve la bairia de questo canpo, e che o non me bote a dezonó fora de la soa terra, e me convegna mendigá.

Or lo fruto che messé Ihu. Xe. requere de le soe piante che ello a piantai, soè le nostre anime che ello a creai, si è amó e carite' a Dee e a lo prossimo, e questo testimonia lo savio Saramon chi parla a noi in persona de messé Ihu. Xe. e dixe cossì: "Filio da mi cor tuum", so è a dí: "Figo dame lo to cor", per che o me convem adú queste piante a egoa, chi le fassa asende in lo amor de lo nostro segnor Dee, e rende fruto de caritae. Tre' cosse sum chi me aduxem, e speciamenti a l'amor de Dee: la primera a pensá in lo bem che ello m'a faito, la segonda de lo bem che o m'a promisso, la tersa de lo má che o n'a scanpai, e quavisdee che lo nostro Segnor n'aga faito monti bem, li quai sum sensa numero, soramenti o n'a faito um bem si ato e eselente, che nisum non lo porea estimá, soè che ello n'a rechatai de lo so preciozo sangue per la soa santa Passiom, e inpersò e vogo avanti cointá bem in ello.

Note