Compendio biblico in lingua genovese/Chì se contèm como aprovo de Saramon regnà so figio Roboam e chì se contèm tuti li rei chi fon apresso a ello tan fin a Ioachim - e conpise la quarta etae

Chì se contèm como aprovo de Saramon regnà so figio Roboam e chì se contèm tuti li rei chi fon apresso a ello tan fin a Ioachim - e conpise la quarta etae

../Chì se contèm como lo angero disse a Saramon che o feisse lo tenpio e como lo legno fo misso in la pessina ../Chì se contèm como Nabucdanozor preize Ierusalem fin a lo tenpo de Teris re de Persia chi per so comandamento retifichà lo tenpio IncludiIntestazione 31 marzo 2014 75% Da definire

Questo testo è completo.

Anonimo - Compendio biblico in lingua genovese (1465)

Chì se contèm como aprovo de Saramon regnà so figio Roboam e chì se contèm tuti li rei chi fon apresso a ello tan fin a Ioachim - e conpise la quarta etae

◄

Chì se contèm como lo angero disse a Saramon che o feisse lo tenpio e como lo legno fo misso in la pessina

Chì se contèm como Nabucdanozor preize Ierusalem fin a lo tenpo de Teris re de Persia chi per so comandamento retifichà lo tenpio

►

Chì se contèm como aprovo de Saramon regnà so figo Roboam e chì se contèm tuti li rei chi fon apresso a ello tan fin a Ioachim - e conpise la quarata^[sic] etae.

Q

uando Saramon fo morto, so figo Roboam regnà in Ierusalem, e per la soa superbia o perdè la segnoria de X[II] tribu d'Issael, e fone faito re Geroboam, figo de Natam, chi era so perfido nimigo. E regnà Roboam soramenti, figo de Saramon, sorve lo tribu de Iuda in Ierusalem, e so ge avegne per lo peccao de so paire Saramon chi ave' orao le idolle, e lo nostro segnor Dee non ge vosse levá tuto lo regno per la bontae de so avo re Davit. Morì Roboam poa che ello ave regno in Ierusalem agni XVII e fo soterrao con so paire in Ierusalem in lo monte Sion. E, morto Roboam, si regnà per ello so figo Abias, e regnà trei agni sensa pu, e morì, e depoí ello regnà so figo Arom, e questo Arom si regnà in Ierusalem agni IIII-II e fo bon e drito re, e desfè tute le idore de la terra, e ge vegne lo re d'Issael, e fe monte batage, e morì per lo má che ello avea in lo peto. E depoi ello regnà so figo Ioxafa, e questo Ioxafa regnà agni II-V e fe amassá tuti soi fre' e monti principi de Iudea , e poa o morì e fo soterrao in lo morimento de li soi passe' in lo monte Sion. E poa o regnà per ello so figo Aron, e fo mar homo si che o non fo pianto quando o morì, cossì como era uzansa per fá per li atri re, e si non fo soterrao in lo morimento de li soi pasai. E depoí questo Aron regnà so figo Ozias e regnà um ano sensa pu.

Or romaze soa maire chi ave' nome Nabia, e questa fe pigá tuti quelli chi era de lo linago de re e feli tuti amassá, e questo Ozias ave um figo chi ave nome Ioad, chi in quello tenpo era staito norigao da um chi ave nome Goade, e norigàlo secretamenti, e poa questo Goade si fe amasá questa dona Nabia, e questo Ioad fo faito re chi era staito norigao in quello tenpo da Ioada chi era staito figo de re Ioaram, e poa Ioad fo morto, e questo fe Zacaria de Barachia, lo qua intrà in lo tenpio de asalada¹ Ioad. E questo Ioad fo re e regnà agni IIII-. E morì Ioad e fo sepelio in Ierusalem, e regnà per ello so figo Iosuas, e regnà in Ierusalem agni IIII-II e fe bone overe fin che ello morì. E poa che o fo morto, o regnà per ello so figo Ioram e regnà in Ierusalem agni II-V. Morì Ioram e regnà so figo Acaz, e questo Acaz regnà agni II-V. Or in quello tenpo o regnava Isaia proffeta in Iuda e monti atri proffete, Ozue e Amoz, e in quello tenpo si vegne Sunaburari re de Siria e li figi de Romola in Ierusalem per conbate, e non ge poem fá niente, che lo nostro segnor Dee si mandà lo angero inter l'oste de quelli de Siria e fege grande mortalitai inter lor. Isaia proffeta proffetà e disse che la Vergem Maria apartoirà um figo chi averà nome Emanuel. Morì Acaz e fo soterai^[sic] in Ierusalem, e depoí Acaz regnà so figo Ezechiaz. Or in quello tenpo Sarmanasar, re de Siria, vegne sorve lo re de Issael e lo re se fe so vasalo, e in quello mesmo tenpo si vegne Senabucharss, figo de lo re de Siria, e preize una citae chi avea nome Sarmana, e menane con le in Siria tuti li homi per soi servi, e tuto questo cheite a li figi d'Issael persochè elli non oservavam li comandamenti de lo nostro segnor Dee, e oravam le idolle. Quando Ezechias ave conpio XIIII agni de la soa segnoria, si vegne Senabuchares sorve la citae de Ierusalem e mandà a dí a lo re Ezechias che ello ge devesse dá la terra e la citae de Ierusalem. E quando Ezechias ave inteizo so, si mandà per Isaia proffeta, e fem oraciom a lo nostro segnor Dee chi lo devesse aiá contra lo re de Siria, e lo nostro segnor Dee si lo vosse exaudí, e mandà lo so angelo chi amassà tuti quelli de Siria in una note, e amasàne CLIII- M. de quelli chi eram inter l'oste, e la matim, quando lo re de Siria se levà e vi tuta la soa gente morta, si se ne fuzì e tornasene in Siria, a Ninive, a la grande citae, chi era si grande che um homo avea asai a fá andá da l'um cavo a l'atro in trei iorni. Or quando lo re de Siria fo zointo a Ninive, e l'intrà in lo tenpio per adorá le idolle e soi figi lo amassàm in lo tenpio, e questo fo Amao de Machu e Sarachazer. E poa lo re Ezechias se amorotì^[sic] de che o se pensava morí, e fe pregera a lo nostro segnor Dee che ello ge cresese la vita agni XV, e regnà Ezechias in Ierusalem agni II-VIIII, e fo monto bon re e desfè le idolle e fe ronpí lo serpente de ramo che Moizes avea faito in lo dezerto, persochè li figi d'Issael lo tegnivam ancho a grande onó. Morì Ezechias e fo soterrao in Ierusalem con li atri re. E poa regnà Manases so figo, lo qua regnà agni IIII-V, e se lo paire fo bon, lo figo fu tanto pu ré, e fe tuto lo so tenpo cosse contrarie a la volontae de lo nostro segnor Dee, e quando incomensà a regná o non avea salvo agni XI. Questo orava le idolle e fe amassá in Ierusalem monta gente, e tute le cosse chi stavam má, si le fe tute refá, e le cosse chi stavam bem, si le fe tute desfá. Questo Manases morì e non fo sepelio con li atri re, ma i lo fem soterrá in um orto, cossì como se apertegniva a um ré homo, e, depoí ello, regnà so figo Arom agni II-II, ma o non regnà in Ierusalem salvo agni XII. Questo atro fo marvaxe re e adorava le idole e fe tute le cosse ree, pesochè o l'avea tuti li ré costumi de lo paire, e la gente de la terra si zuràm che l'ociream, e si lo ocizem, e regnà per ello so figo Ioxias. Or Ioxia regnà agni III-I e fo bon re inver la gente de la terra, e netezà lo tenpio, e in quello tenpo si vegne faraom incontra lo re de Siria, e insì Ioxias contra lor e fo morto in lo canpo de Magadon, de che o ne fo grande dano, unde lo nostro segnor Dee ne mostrà grande mirachulo de la soa morte unde tuti li erbori e le fontane de quella terra si sechàm, e fo portao a sepelí in Ierulasem^[sic] in lo morimento de li re. E depoí questo, regnà Ioas agni II-, e fo si ré re contra lo nostro segnor Dee, de che ello perdè lo regno de Persia, e questo fo per la soa superbia, e vegne lo re de Egito e levà so fre' Ioas e fo de Ioxia figo, lo qua ave' nome Eliachim, e si ge mise nome Ioachim, e regnà agni II-, e ne regnà XI in Ierusael^[sic], e in quello tenpo Nabucdonozor re de Babilonia si vegne in Ierusalem e pigà Ioachi e felo so vasalo. Morì Ioachim, regnà so figo Achim, e lo avea miso lo so nome, zoè Ioachin, e questo Ioachi regnà meixi tre sensa pu, e alaora fo conpio la quarta etae, e in quello tenpo fo II-I generaciom.

Note

1. o asalata