Compendio biblico in lingua genovese/Chì se contèm como re Saul fo vensuo da li Filistei e de la morte de lo re Saul

Questo testo è completo.

Anonimo - Compendio biblico in lingua genovese (1465)

Chì se contèm como re Saul fo vensuo da li Filistei e de la morte de lo re Saul

Informazioni sulla fonte del testo

◄

Chì se conte com Davit ocize lo zagante chi era in lo oste de li Filistei

Chì se contèm como Davit fo eleto re sorve lo povo d'Issael e incomenssà la quarta etae

►

[p. 35 modifica]

Chì se contèm como re Saul fo vensuo da li Filistei e de la morte de lo re Saul.

D

apoi queste cosse li Filistei se reforssàm e si missem inseme lo so oste e vegnen contra re Saul, si che a la fin de la batagia re Saul fo vensuo e desbaratao per li Filistei. E li figij d'Issael fuzìn tuti de lo canpo. E re Saul romaze soreto con lo so schué in lo monte de Galad. E lantora re Saul disse a lo so schué: "Amasame ti, avanti che vegne li me inimixi, asochè e non me fassam vergogna, e poi e me amaseram". Or lo schué ave de questo grande dolor e ge disse che o non ne farea niente. E lantó re Saul ne lo pregà caramenti, e vegando lo re Saul che o non lo vorea amassá, si se deliberà avanti de dasse avanti^[sic] la morte, cha^[sic] che li Filistei l'amassasem, e si preize la soa lanssa e la testa o la misse a cavo de um erboro e misse la pointa per mezo la soa ventre, e per forssa o se arembà sum la lanssa, per modo che la lanssa ge insì da lo costao, soè deré da le spalle, e cossì o ceite como morto, e quando lo schué ave visto so che avea faito so segnó, si fe de lé atretá, e morì. E re Saul chi era forte e subré, seandosse tuto ihapao denanti e derré, e persochè o non se avea tochao lo cor, o non poea morí, ma stava in angosse, in peñe, e non se poea move ni corlá, e stagando in queste peñe, um homo de l'oste d'Issael, chi fuziva e pasando per lì, lo re Saul si lo ihamá e si ge disse: "Tu vei ben che e non posso fuzí da la morte, e però e

[p. 36 modifica]te prego che ti me amaci, avanti che e sea dezonorao da li me inimixi chi saram tosto chì". E lantora quello lo liverà e preize l'armeora ch'e l'avea a lo colá e l'armeora ch'e l'avea in testa, e ze fin unde era Davit, e quando Davit lo vi, si ge demandà de unde ello vegniva, e ello respoze: "E sum futo da l'oste de Saul". E Davit ge spià che era de l'oste, e ello disse: "Li nostri sum tuti desbaratai e re Saul si è morto". E dissege como ello lo avea morto, e mostrà a Davit, per segná de so, lo anello che portava re Saul e le armeore de l'oro e de lo colar e de la corna, e incontenente Davit si lo fe amasá digandoge: "La toa bocha a falio contra ti, inpersochè ti ai dicto che ti ai morto lo re Saul". E poa Davit fe grande pianto de re Saul e per Ionatas malixì lo monte de Golada e disse che lana ni roza non ge cressese mai per nissum tenpo. E poa la matim li Filistei vegnem e preizem la testa de re Saul e de li soi figij con grande alegressa i la mandàm a prezentà a lo tenpio de le lor idore, e le apeizem in la via de Belzebe chi era incontra de quelli d'Issael. E li homi de Gabes Galad vim le osse de re Saul e de soi figij chi eram apeize in quello logo si elezèm arquanti de lor, li pu pordomi, chi zem de nonte^[sic] e si le pigiàm e soteràmle in Gabes Galade, e lantora fo conpio la tersa etai in la qua o fo XIIII generaciom, ma li Zué non ne coitam^[sic] salvo XIII con lo quinto de Abram.