Cumplettaziun dal Cudesch civil svizzer/2/Cumpra e barat

Da Wikisource.
Jump to navigation Jump to search
Cumpra e barat

../ ../donaziun IncludiIntestazione 30 giugno 2013 50% Da definire

2 2 - donaziun


Emprim chapitel: Disposiziuns generalas

Art. 184

1 Cun il contract da cumpra s’oblighescha il vendider da surdar l’object da cumpra al cumprader e da procurar per quel la proprietad vi da quest object, ed il cumprader da pajar il pretsch da cumpra al vendider.

2 Sch’i n’exista betg ina cunvegna u ina isanza cuntraria, èn il vendider ed il cumprader obligads d’ademplir lur prestaziuns a medem temp.

3 Il pretsch è determinà suffizientamain, sch’el è definibel tenor las circumstanzas.

Art. 185

1 Premess ch’i na resulta betg in’excepziun tras relaziuns u tras cunvegnas spezialas, vegnan il profit ed il privel da la chaussa transferids sin l’acquistader il mument ch’il contract vegn fatg. 44 CS 221.301 45 Versiun tenor la cifra 2 da l’agiunta tar la lescha dals 3 d’october 2003 davart la fusiun (CULF 2004 2617; Fegl uffizial federal 2000 4337); versiun tenor la cifra I 3 da la LF dals 16 da december 2005 (dretg da ScRL sco er adattaziuns en il dretg d’aczias, en il dretg d’associaziun, en il dretg dal register da commerzi ed en il dretg da firmas), en vigur dapi il 1. da schaner 2008 (CULF 2007 4791, 4839; Fegl uffizial federal 2002 3148, 2004 3969) 46 Abolì tras la cifra 2 da l’agiunta tar la lescha dals 3 d’october 2003 davart la fusiun, en vigur dapi il 1. da fanadur 2004 (CULF 2004 2617; Fegl uffizial federal 2000 4337) VI. ... VII. Partiziun d’ierta ed alienaziun da bains immobigliars A. Dretgs ed obligaziuns en general B. Profit e privelDretg d’obligaziuns 46 220 2 Sche la chaussa vendida è determinada mo tenor il gener, sto ella ultra da quai vegnir zavrada e – sch’ella duai vegnir spedida – sto ella esser consegnada per la spediziun.

3 Tar contracts ch’èn vegnids fatgs cun ina cundiziun suspensiva, vegnan il profit ed il privel da la chaussa vendida transferids sin l’acquistader pir cur che la cundiziun s’ademplescha.

Art. 186

I resta resalvà a la legislaziun chantunala da limitar u d’excluder la pussaivladad da purtar plant cunter pretensiuns che resultan tras la vendita en detagl da bavrondas alcoholicas, inclusiv las pretensiuns per expensas che vegnan fatgas en ustarias. Segund chapitel: La cumpra da bains movibels

Art. 187

1 Sco cumpra da bains movibels vegn considerada mintga cumpra che n’ha betg per object ina immobiglia u in dretg ch’è vegnì inscrit sco bain immobigliar en il register funsil.

2 Parts integralas d’in bain immobigliar, sco fritgs u material da demoliziuns u da chavas da crappa, èn l’object d’ina cumpra da bains movibels, sch’ellas duain vegnir transferidas sin l’acquistader sco chaussa movibla suenter ch’ellas èn vegnidas separadas dal sulom.

Art. 188

Sch’i n’exista betg ina cunvegna u ina isanza cuntraria, porta il vendider ils custs da la surdada, en spezial ils custs dal mesirar e dal pasar, il cumprader percunter ils custs da la documentaziun e da la surpigliada.

Art. 189

1 Sche la chaussa vendida sto vegnir spedida en in auter lieu che quel da l’adempliment, porta il cumprader ils custs da transport, nun ch’igl existia ina cunvegna u ina isanza cuntraria.

2 Sch’igl è vegnì concludì ina spediziun gratuita, vegni supponì ch’il vendider haja surpiglià ils custs da transport.

3 Sch’igl è vegnì concludì ina spediziun gratuita senza dazi, valan ils dazis d’export, da transit e d’import che vegnan incassads durant il transport – dentant betg las taglias da consum che vegnan incassadas cur che la chaussa vegn prendida en consegna – sco pajads. C. Resalva da la legislaziun chantunala A. Object B. Obligaziuns dal vendider I. Surdada 1. Custs da la surdada 2. Custs da transportLescha federala davart la cumplettaziun dal Cudesch civil svizzer 47 220

Art. 190

1 Sch’igl è vegnì concludì in tschert termin da furniziun en il traffic commerzial e sch’il vendider è en retard, vegni supponì ch’il cumprader renunzia a la furniziun e pretendia ina indemnisaziun dal donn, perquai ch’il contract n’è betg vegnì ademplì. 2 Sch’il cumprader preferescha da pretender la furniziun, ha el da communitgar quai al vendider immediatamain suenter la scadenza dal termin.

Art. 191

1 Sch’il vendider n’ademplescha betg sias obligaziuns contractualas, sto el indemnisar il donn che resulta tras quai al cumprader.

2 Sco ses donn en il traffic commerzial po il cumprader far valair la differenza tranter il pretsch da cumpra ed il pretsch ch’el ha pajà da buna fai per remplazzar la chaussa che n’è betg vegnida furnida. 3 Tar rauba che ha in pretsch da martgà u da bursa po el – senza acquistar il remplazzament – pretender sco indemnisaziun dal donn la differenza tranter il pretsch fixà en il contract ed il pretsch il mument da l’adempliment.

Art. 192

1 Il vendider sto garantir ch’ina terza persuna na possia betg privar il cumprader per part u dal tuttafatg da l’object da cumpra per motivs giuridics ch’existivan gia il mument cur ch’il contract è vegnì fatg.

2 Sch’il cumprader enconuscheva il privel da la privaziun il mument ch’il contract è vegnì fatg, sto il vendider mo garantir per l’object da cumpra, uschenavant ch’el è s’obligà explicitamain da far quai.

3 Ina cunvegna che abolescha u che limitescha l’obligaziun da dar garanzia na vala betg, sch’il vendider ha taschentà intenziunadamain il dretg da la terza persuna.

Art. 193 47

1 Las premissas e consequenzas da la denunzia da la dispita sa drizzan tenor la Procedura civila48.

2 Sche la denunzia da la dispita è vegnida tralaschada dal vendider senza motiv, vegn quel deliberà da l’obligaziun da dar ina garanzia, uschenavant ch’el po cumprovar ch’i fiss stà pussaivel da cuntanscher in resultat pli favuraivel dal process, sche la dispita fiss vegnida denunziada a temp. 47 Versiun tenor la cifra II 5 da l’agiunta 1 tar la Procedura civila dals 19 december 2008, en vigur dapi il 1. da schaner 2011 (CULF 2010 1739; Fegl uffizial federal 2006 7221) 48 CS 272 3. Retard da la surdada a. Retratga en il traffic commerzial b. Obligaziun da prestar ina indemnisaziun e calculaziun dal donn II. Garanzia areguard la privaziun 1. Obligaziun da dar garanzia 2. Procedura a. Denunzia da la dispita Dretg d’obligaziuns 48 220

Art. 194

1 L’obligaziun dal vendider da dar ina garanzia exista er, sche sch’il cumprader – senza ch’el laschia vegnir ad ina decisiun giudiziala – ha renconuschì il dretg da la terza persuna en buna fai u sch’el è sa suttamess ad ina dretgira da cumpromiss, sch’il vendider è vegnì smanatschà ad ura cun quella dretgira e sch’el è vegnì envidà senza success d’acceptar il process.

2 Questa obligaziun exista er, sch’il cumprader cumprova ch’el saja stà obligà da dar ora la chaussa.

Art. 195

1 En cas d’ina privaziun totala sto il contract da cumpra vegnir considerà sco abolì ed il cumprader ha il dretg da pretender:

1. la restituziun dal pretsch pajà inclusiv tschains, dal qual èn

vegnids deducids ils fritgs ch’el ha racoltà u ha negligì da racoltar e las ulteriuras utilisaziuns;

2. l’indemnisaziun da las expensas ch’el ha fatg per la chaussa,

uschenavant che questa indemnisaziun n’è betg obtegnibla da la terza persuna che ha quest dretg;

3. l’indemnisaziun da tut ils custs giudizials ed extragiudizials

ch’èn vegnids chaschunads tras il process, cun excepziun da quels custs che avessan pudì vegnir evitads, sche la dispita fiss vegnida denunziada;

4. l’indemnisaziun da l’ulteriur donn ch’è vegnì chaschunà directamain tras la privaziun.

2 Il vendider è er obligà d’indemnisar l’ulteriur donn, sch’el na cumprova betg, ch’el na saja betg la culpa.

Art. 196

1 Sch’il cumprader vegn privà mo d’ina part da l’object da cumpra u sche la chaussa vendida è engrevgiada tras ina grevezza reala, per la quala il vendider sto garantir, na po il cumprader betg pretender ch’il contract vegnia abolì, mabain mo ch’i vegnia indemnisà quel donn ch’è vegnì chaschunà tras questa privaziun.

2 Sch’ins sto dentant supponer a norma da las circumstanzas ch’il cumprader n’avess betg fatg il contract, sch’el avess previs la privaziun parziala, ha el il dretg da pretender l’aboliziun dal contract.

3 En quest cas sto el restituir al vendider la part da l’object da cumpra che n’è betg vegnì privà, inclusiv il profit ch’è vegnì fatg en il fratemp. b. Renconuschientscha dal dretg d’ina terza persuna senza decisiun giudiziala 3. Dretgs dal cumprader a. En cas d’ina privaziun totala b. En cas d’ina privaziun parziala Lescha federala davart la cumplettaziun dal Cudesch civil svizzer 49 220

Art. 196a49

Per bains culturals en il senn da l’artitgel 2 alinea 1 da la Lescha federala dals 20 da zercladur 200350 davart il transferiment internaziunal da bains culturals surannescha il plant sin garanzia areguard la privaziun 1 onn, suenter ch’il cumprader ha scuvrì la mancanza, en mintga cas dentant 30 onns suenter la conclusiun dal contract.

Art. 197

1 Il vendider è responsabel vers il cumprader tant per las qualitads garantidas sco er che la chaussa n’haja betg mancanzas materialas u giuridicas che aboleschan sia valur u sia abilitad per il diever previs ubain che reduceschan quellas considerablamain.

2 Il vendider è er alura responsabel, sch’el n’ha betg enconuschì las mancanzas.

Art. 198

Tar il commerzi da muvel (chavals, asens, mils, arments, nursas, chauras e portgs) exista in’obligaziun da dar ina garanzia mo, uschenavant ch’il vendider l’ha dà en scrit al cumprader u uschenavant ch’el ha engianà quel intenziunadamain.

Art. 199

Ina cunvegna che abolescha u che limitescha l’obligaziun da dar garanzia na vala betg, sch’il vendider ha taschentà malignamain al cumprader las mancanzas da la chaussa.

Art. 200

1 Il vendider n’è betg responsabel per mancanzas ch’il cumprader ha enconuschì il mument da la cumpra.

2 Per mancanzas ch’il cumprader avess stuì realisar, sch’el fiss stà attent en moda normala, è il vendider mo responsabel, sch’el ha garantì ch’ellas n’existian betg.

Art. 201

1 Il cumprader duai examinar il stadi da la chaussa retschavida, uschespert che quai è inditgà tenor l’isanza commerziala, e sch’el po constatar mancanzas, per las qualas il vendider ha da garantir, sto el annunziar quai immediatamain a tal. 49 Integrà tenor l’art. 32 cifra 2 da la Lescha federala dals 20 da zercladur 2003 davart il transferiment da bains culturals, en vigur dapi il 1. da zercladur 2005 (CS 444.1) 50 CS 444.1 c. En cas da bains culturals III. Garanzia pervia da mancanzas da la chaussa 1. Object da la garanzia a. En general b. Tar il commerzi da muvel 2. Exclusiun da la garanzia 3. Mancanzas ch’il cumprader ha enconuschì 4. Reclamaziun da mancanzas a. En general Dretg d’obligaziuns 50 220

2 Sch’il cumprader tralascha quai, vala la chaussa cumprada sco acceptada, sch’i na sa tracta betg da mancanzas che n’han betg pudì vegnir constatadas a chaschun da l’examinaziun usitada.

3 Sche talas mancanzas sa mussan pli tard, sto l’annunzia vegnir fatga immediatamain suenter la scuverta, cas cuntrari vala la chaussa sco acceptada er areguard questas mancanzas.

Art. 202

1 Sche la garanzia en scrit tar il commerzi da muvel na cuntegna betg in termin e sch’i na sa tracta betg da la garanzia che l’animal saja purtant, è il vendider responsabel vers il cumprader mo, sche la mancanza vegn scuverta e sche l’avis correspundent vegn fatg entaifer 9 dis dapi la surdada u dapi il retard da l’acceptaziun e sch’i vegn pretendì entaifer il medem termin tar l’autoritad cumpetenta che l’animal vegnia examinà d’experts.

2 L’expertisa dals experts vegn valitada dal derschader tenor ses appreziar.

3 Dal rest vegn la procedura reglada tras in’ordinaziun dal Cussegl federal.

Art. 203

Sch’il vendider engiona intenziunadamain il cumprader, na datti betg ina restricziun da la garanzia per il cas che l’annunzia vegn tralaschada.

Art. 204

1 Sche la chaussa che vegn spedida d’in auter lieu vegn contestada e sch’il vendider n’ha betg in represchentant al lieu da la retschavida, è il cumprader obligà da procurar che la chaussa vegnia conservada ad interim; el na dastga betg senza auter respedir la chaussa al vendider.

2 El duai laschar constatar immediatamain il causal, cas cuntrari sto el cumprovar che las mancanzas pretendidas eran avant maun gia il mument che la chaussa è vegnida retschavida.

3 Sch’igl exista il privel che la chaussa ch’è vegnida spedida pudess ir spertamain en malura, ha il cumprader il dretg ed è – uschenavant ch’ils interess dal vendider pretendan quai – obligà da la laschar vender cun la cooperaziun dals uffizis cumpetents dal lieu, nua che la chaussa sa chatta; el ha dentant da communitgar quai uschè svelt sco pussaivel al vendider, per evitar da stuair indemnisar eventuals donns. b. Tar il commerzi da muvel 5. Engion intenziunà 6. Procedura tar la vendita a distanza Lescha federala davart la cumplettaziun dal Cudesch civil svizzer 51 220

Art. 205

1 Sch’igl è avant maun in cas da garanzia pervia da mancanzas da la chaussa, ha il cumprader la tscherna d’annullar la cumpra cun in plant da redebitaziun u da pretender cun in plant da reducziun che la valur reducida da la chaussa vegnia indemnisada.

2 Er sch’il plant da redebitaziun è vegnì fatg, è il derschader liber da decider che la valur reducida da la chaussa vegnia indemnisada, sche las circumstanzas na giustifitgeschan betg d’annullar la cumpra.

3 Sche la valur reducida che vegn pretendida correspunda al pretsch da cumpra, po il cumprader mo pretender l’annullaziun.

Art. 206

1 Sche la cumpra cumpiglia la spediziun d’ina tscherta quantitad da chaussas remplazzablas, po il cumprader tscherner, sch’el vul far u in plant da redebitaziun u in plant da reducziun ubain sch’el vul pretender autra rauba da medem gener che n’ha naginas mancanzas.

2 Sche las chaussas n’èn betg vegnidas spedidas d’in auter lieu al cumprader, ha er il vendider il dretg – furnind immediatamain al cumprader rauba da medem gener che n’ha naginas mancanzas ed indemnisond tut ils donns – da sa deliberar da mintga ulteriur dretg dal cumprader.

Art. 207

1 L’annullaziun po vegnir pretendida er alura, sche la chaussa è ida en malura pervia da sias mancanzas u per casualitad. 2 En quest cas sto il cumprader restituir mo quai ch’è restà ad el da la chaussa.

3 Sche la chaussa è ida en malura pervia da la culpa dal cumprader ubain sch’ella è vegnida vendida u transfurmada vinavant, po el mo pretender che la valur reducida vegnia indemnisada.

Art. 208

1 Sche la cumpra vegn annullada, sto il cumprader restituir la chaussa al vendider, inclusiv il profit ch’è vegnì fatg en il fratemp.

2 Il vendider sto restituir il pretsch da cumpra ch’è vegnì pajà inclusiv tschains ed indemnisar plinavant – confurm a las prescripziuns davart la privaziun totala – ils custs da process, las expensas ed il donn ch’il cumprader ha subì directamain pervia da la spediziun da rauba cun mancanzas.

3 Il vendider è obligà d’indemnisar l’ulteriur donn, sch’el na cumprova betg ch’el n’haja nagina culpa. 7. Cuntegn dal plant dal cumprader a. Annullaziun da la vendita u reducziun dal pretsch b. Prestaziun d’ina indemnisaziun c. Annullaziun da la vendita en cas che la chaussa va a perder 8. Effects da l’annullaziun da la vendita a. En general Dretg d’obligaziuns 52 220

Art. 209

1 Sche mo singulas parts da chaussas ch’èn vegnidas vendidas ensemen u sche singulas parts d’ina chaussa entira ch’è vegnida vendida han mancanzas, po vegnir pretendida mo l’annullaziun da las parts manglusas.

2 Sche las parts manglusas na sa laschan betg separar da las parts che n’han naginas mancanzas senza dischavantatgs considerabels per il cumprader u per il vendider, sto l’annullaziun vegnir extendida sin l’entir object da cumpra.

3 L’annullaziun da la chaussa principala ha per consequenza che er la chaussa secundara vegn annullada, e quai er, sch’igl è vegnì fixà in pretsch spezial per la chaussa secundara, l’annullaziun da la chaussa secundara n’ha dentant betg per consequenza che er la chaussa principala vegn annullada.

Art. 210 51

1 Ils plants sin garanzia pervia da mancanzas da la chaussa suranneschan 2 onns suenter ch’ella è vegnida consegnada al cumprader, er sche quel scuvra las mancanzas pli tard, nun ch’il vendider haja surpiglià ina responsabladad per in temp pli lung.

2 Il termin importa 5 onns, sche las mancanzas d’ina chaussa ch’è vegnida integrada tenor las disposiziuns en in’ovra immovibla, han chaschunà la manglusitad da l’ovra.

3 Per bains culturals en il senn da l’artitgel 2 alinea 1 da la Lescha federala dals 20 da zercladur 200352 davart il transferiment da bains culturals surannescha il plant 1 onn suenter ch’il cumprader ha scuvrì la mancanza, en mintga cas dentant 30 onns suenter la conclusiun dal contract.

4 Ina cunvegna davart la reducziun dal termin da surannaziun n’è betg valaivla:

a. sch’ella reducescha il termin da surannaziun a main che 2

onns, tar chaussas da segund maun a main che 1 onn;

b. sche la chaussa è destinada al diever persunal u famigliar dal

cumprader; e

c. sch’il vendider agescha en il rom da sia activitad professiunala

u commerziala. 51 Versiun tenor la cifra I da la LF dals 16 da mars 2012 (termins da surannaziun dals dretgs da garanzia; prolungaziun e coordinaziun), en vigur dapi il 1. da schaner 2013 (CULF 2012 5415; Fegl uffizial federal 2011 2889 3903) 52 CS 444.1 b. En cas d’ina vendita da pliras chaussas 9. Surannaziun Lescha federala davart la cumplettaziun dal Cudesch civil svizzer 53 220

5 Las objecziuns dal cumprader pervia da mancanzas existentas restan, sche l’annunzia prescritta è vegnida fatga al vendider entaifer il termin da surannaziun.

6 Il vendider na po betg far valair la surannaziun, sch’i vegn cumprovà ch’el haja engianà intenziunadamain il cumprader. Quai na vala betg per il termin da 30 onns tenor l’alinea 3.

Art. 211

1 Il cumprader è obligà da pajar il pretsch tenor las disposiziuns dal contract e da surpigliar la chaussa cumprada, sche quella vegn purschida dal vendider confurm al contract.

2 La chaussa sto vegnir surpigliada immediatamain, nun ch’igl existia ina cunvegna u ina isanza cuntraria.

Art. 212

1 Sch’il cumprader ha empustà definitivamain senza numnar il pretsch, vegni supponì ch’i saja manegià il pretsch mesaun dal martgà che vala per il temp e per il lieu da l’adempliment.

2 Sch’il pretsch da cumpra sto vegnir calculà tenor il pais da la rauba, vegn deducì il pais da l’emballadi (tara).

3 Resalvadas restan las isanzas commerzialas spezialas, tenor las qualas il pretsch da tscherts artitgels da commerzi vegn calculà cun ina deducziun fixa dal pais brut u cun ina deducziun tenor pertschients ubain tenor las qualas tut il pais brut vegn mess a quint tar la calculaziun dal pretsch.

Art. 213

1 Sch’i n’è betg definì in auter termin, sto il pretsch da cumpra vegnir pajà il mument che l’object da cumpra mida en il possess dal cumprader.

2 Abstrahà da la prescripziun davart il retard pervia da la scadenza d’in tschert termin fixà, vegn il pretsch da cumpra tschainsì senza admoniziun, sche quai è usità uschia u sch’il cumprader po retrair fritgs u auters retgavs da l’object da cumpra.

Art. 214

1 Sche la chaussa vendida sto vegnir surdada cunter pajament anticipà dal pretsch u a medem temp e sch’il cumprader è en retard cun pajar il pretsch da cumpra, ha il vendider il dretg da sa retrair senza auter dal contract.

2 Sch’el vul dentant far diever da ses dretg da sa retrair, sto el annunziar quai immediatamain al cumprader.

C. Obligaziuns dal cumprader I. Pajar il pretsch e surpigliar la chaussa II. Fixar il pretsch da cumpra III. Scadenza e tschainsida dal pretsch da cumpra IV. Retard dal cumprader 1. Dretg dal vendider da sa retrairDretg d’obligaziuns 54 220

3 Sche l’object da cumpra è ì en il possess dal cumprader avant ch’il pretsch è vegnì pajà, po il vendider sa retrair dal contract, perquai ch’il cumprader è en retard, e pretender enavos la chaussa surdada, sch’el è sa resalvà expressivamain quest dretg.

Art. 215

1 Sch’il cumprader n’ademplescha betg sia obligaziun da pajar en il traffic commerzial, ha il cumprader il dretg da calcular ses donn sin basa da la differenza tranter il pretsch da cumpra ed il pretsch, per il qual el ha vendì vinavant la chaussa da buna fai.

2 Tar rauba che ha in pretsch da martgà u da bursa po el pretender – senza avair vendì vinavant la chaussa – sco indemnisaziun dal donn la differenza tranter il pretsch fixà en il contract ed il pretsch da martgà u da bursa il mument da l’adempliment. Terz chapitel: La cumpra da bains immobigliars

Art. 216

1 Contracts da cumpra che han per object in bain immobigliar basegnan ina documentaziun publica per esser valaivels.

2 Contracts preliminars sco er contracts che motiveschan in dretg da precumpra, in dretg da cumpra u in dretg da recumpra d’in bain immobigliar basegnan ina documentaziun publica per esser valaivels.53

3 Contracts davart in dretg da precumpra che na fixeschan betg ordavant il pretsch da cumpra èn valaivels en furma scritta.54

Art. 216a 55

Ils dretgs da precumpra e da recumpra dastgan vegnir concludids e prenotads en il register funsil per maximalmain 25 onns, dretgs da cumpra per maximalmain 10 onns. 53 Versiun tenor la cifra II da la LF dals 4 d’october 1991 davart la revisiun parziala dal Cudesch civil svizzer (dretgs reals immobigliars) e dal Dretg d’obligaziuns (cumpra da bains immobigliars), en vigur dapi il 1. da schaner 1994 (CULF 1993 1404 1409; Fegl uffizial federal 1988 III 953) 54 Versiun tenor la cifra II da la LF dals 4 d’october 1991 davart la revisiun parziala dal Cudesch civil svizzer (dretgs reals immobigliars) e dal Dretg d’obligaziuns (cumpra da bains immobigliars), en vigur dapi il 1. da schaner 1994 (CULF 1993 1404 1409; Fegl uffizial federal 1988 III 953) 55 Integrà tenor la cifra II da la LF dals 4 d’october 1991 davart la revisiun parziala dal Cudesch civil svizzer (dretgs reals immobigliars) e dal Dretg d’obligaziuns (cumpra da bains immobigliars), en vigur dapi il 1. da schaner 1994 (CULF 1993 1404 1409; Fegl uffizial federal 1988 III 953) 2. Indemnisaziun e calculaziun dal donn A. Prescripziuns da la furma dal contract Abis. Limitaziun temporara e prenotaziun Lescha federala davart la cumplettaziun dal Cudesch civil svizzer 55 220

Art. 216b 56

1 Sch’i n’è betg vegnì concludì insatge auter, èn ils dretgs da precumpra, da cumpra e da recumpra transmissibels tras ierta, dentant betg cedibels.

2 Sche la cessiun è admissibla tenor contract, basegna ella la medema furma sco la motivaziun.

Art. 216c 57 1 Il dretg da precumpra po vegnir fatg valair, sch’il bain immobigliar vegn vendì, sco er tar mintga auter act giuridic che correspunda economicamain ad ina vendita (cas da precumpra). 2 Betg sco cas da precumpra na valan en spezial l’assegnaziun ad in ertavel en la partiziun d’ierta, l’ingiant sfurzà e l’acquist per ademplir incumbensas publicas.

Art. 216d 58

1 Il vendider sto infurmar il titular dal dretg da precumpra davart la conclusiun e davart il cuntegn dal contract da cumpra.

2 Sch’il contract da cumpra vegn abolì suenter ch’igl è vegnì fatg diever dal dretg da precumpra u sch’i vegn refusada ina permissiun ch’è necessaria per motivs che han da far cun la persuna dal cumprader, n’ha quai nagin effect visavi il titular dal dretg da precumpra.

3 Sch’il contract da precumpra na prevesa nagut auter, po il titular dal dretg da precumpra acquistar il bain immobigliar per las cundiziuns ch’il vendider ha concludì cun la terza persuna. 56 Integrà tenor la cifra II da la LF dals 4 d’october 1991 davart la revisiun parziala dal Cudesch civil svizzer (dretgs reals immobigliars) e dal Dretg d’obligaziuns (cumpra da bains immobigliars), en vigur dapi il 1. da schaner 1994 (CULF 1993 1404 1409; Fegl uffizial federal 1988 III 953) 57 Integrà tenor la cifra II da la LF dals 4 d’october 1991 davart la revisiun parziala dal Cudesch civil svizzer (dretgs reals immobigliars) e dal Dretg d’obligaziuns (cumpra da bains immobigliars), en vigur dapi il 1. da schaner 1994 (CULF 1993 1404 1409; Fegl uffizial federal 1988 III 953) 58 Integrà tenor la cifra II da la LF dals 4 d’october 1991 davart la revisiun parziala dal Cudesch civil svizzer (dretgs reals immobigliars) e dal Dretg d’obligaziuns (cumpra da bains immobigliars), en vigur dapi il 1. da schaner 1994 (CULF 1993 1404 1409; Fegl uffizial federal 1988 III 953) Ater. Transmissibladad tras ierta e cessiun Aquater. Dretg da precumpra I. Cas da precumpra II. Effects dal cas da precumpra, cundiziuns Dretg d’obligaziuns 56 220

Art. 216e

59 Sch’il titular dal dretg da precumpra vul far diever da ses dretg, sto el far valair quel entaifer 3 mais vers il vendider ubain – sche quest dretg è prenotà en il register funsil – vers il proprietari. Il termin cumenza cun l’enconuschientscha da la conclusiun e dal cuntegn dal contract.

Art. 217

1 Sche la cumpra da bains immobigliars è vegnida concludida cun cundiziuns, vegn l’inscripziun en il register funsil fatga pir, cur che la cundiziun è ademplida.

2 L’inscripziun d’ina resalva da la proprietad è exclusa.

Art. 218 60

Per l’alienaziun da bains immobigliars agriculs vala ultra da quai la Lescha federala dals 4 d’october 199161 davart il dretg funsil puril.

Art. 219

1 Il vendider d’in bain immobigliar sto – cun resalva d’autras cunvegnas – indemnisar il cumprader, sch’il bain immobigliar n’ha betg la dimensiun ch’è inditgada en il contract da vendita.

2 Sch’in bain immobigliar n’ha betg la dimensiun ch’è inditgada en il register funsil sin basa da la mesiraziun uffiziala, sto il vendider indemnisar il cumprader mo, sch’el ha surpiglià explicitamain la garanzia per quai. 3 L’obligaziun da dar ina garanzia per las mancanzas d’in edifizi surannescha suenter 5 onns, quintads a partir da l’acquist da la proprietad.

Art. 220

Sch’igl è fixà en il contract in tschert termin, per il qual il cumprader surpiglia il bain immobigliar, vegni supponì ch’il profit e ch’il privel vegnian transferids sin il cumprader pir per quest termin. 59 Integrà tenor la cifra II da la LF dals 4 d’october 1991 davart la revisiun parziala dal Cudesch civil svizzer (dretgs reals immobigliars) e dal Dretg d’obligaziuns (cumpra da bains immobigliars), en vigur dapi il 1. da schaner 1994 (CULF 1993 1404 1409; Fegl uffizial federal 1988 III 953) 60 Versiun tenor l’art. 92 cifra 2 da la LF dals 4 d’october 1991 davart il dretg funsil puril, en vigur dapi il 1. da schaner 1994 (CULF 1993 1410; Fegl uffizial federal 1988 III 953) 61 CS 211.412.11 III. Diever dal dretg, perdita B. Cumpra cun cundiziuns e resalva da la proprietad C. Bains immobigliars agriculs D. Garanzia E. Profit e privel Lescha federala davart la cumplettaziun dal Cudesch civil svizzer 57 220

Art. 221

Per la cumpra d’in bain immobigliar vegnan dal rest applitgadas correspundentamain las disposiziuns davart la cumpra da bains movibels. Quart chapitel: Geners spezials da la cumpra

Art. 222

1 Tar la cumpra tenor muster n’è quella persuna, a la quala il muster è vegnì consegnà, betg obligada da cumprovar l’identitad dal muster ch’ella ha preschentà cun quel ch’ella ha retschavì. I basta dentant sia decleraziun persunala davant dretgira e quai er, sch’il muster na vegn betg pli preschentà en la furma ch’el aveva il mument da la surdada e sche questa midada è la consequenza necessaria da l’examinaziun dal muster.

2 En mintga cas ha la cuntrapartida il dretg da cumprovar ch’il muster na saja betg autentic.

3 Sch’il muster è vegnì ruinà u sch’el è ì en malura tar il cumprader, e quai er senza sia culpa, n’ha betg il vendider da cumprovar che la chaussa correspundia al muster, mabain ha il cumprader da cumprovar il cuntrari.

Art. 223

1 Sch’igl è vegnida concludida ina cumpra sin emprova u sin examinaziun, statti liber al cumprader d’acceptar u da refusar la chaussa.

2 Uschè ditg che la chaussa n’è betg acceptada, resta ella en la proprietad dal vendider, er sch’ella è ida en il possess dal cumprader.

Art. 224

1 Sche l’examinaziun da la chaussa sto vegnir fatga tar il vendider, n’è quel betg pli lià, sch’il cumprader n’accepta betg la chaussa entaifer il termin ch’è vegnì concludì u ch’è usità.

2 Sch’i manca in tal termin, po il vendider pretender dal cumprader – suenter ch’in temp adequat è passà – da declerar, sch’el veglia acceptar la chaussa; el n’è betg pli lià, sch’il cumprader na dat betg immediatamain questa decleraziun. F. Renviament a la cumpra da bains movibels A. Cumpra tenor muster B. Cumpra sin emprova u sin examinaziun I. Noziun II. Examinaziun tar il vendiderDretg d’obligaziuns 58 220

Art. 225

1 Sche la chaussa è vegnida surdada al cumprader avant l’examinaziun, vala la cumpra sco acceptada, sch’il cumprader na declera betg ch’el refusia la chaussa ubain sch’el na restituescha betg la chaussa entaifer il termin ch’è fixà en il contract u ch’è usità ubain – sch’in tal termin manca – immediatamain suenter ch’el è vegnì intimà dal vendider.

2 La cumpra vala er sco acceptada, sch’il cumprader paja il pretsch dal tuttafatg u per part – e quai senza resalvas – u dispona da la chaussa en in’autra moda che quella ch’è necessaria per l’examinaziun.

Art. 226 62

Art. 226a–226d 63

Art. 226e 64

Art. 226f –226k 65

Art. 226l 66

Art. 226m 67

62 Abolì tras la cifra I da la LF dals 23 da mars 1962 (CULF 1962 1047; Fegl uffizial federal 1960 I 523) 63 Integrà tenor la cifra I da la LF dals 23 da mars 1962 (CULF 1962 1047; Fegl uffizial federal 1960 I 523); abolì tras la cifra II 1 da l’agiunta 2 tar la LF dals 23 da mars 2001 davart credits da consum (CULF 2002 3846; Fegl uffizial federal 1999 3155) 64 Integrà tenor la cifra I da la LF dals 23 da mars 1962 (CULF 1962 1047; Fegl uffizial federal 1960 I 523); abolì tras la cifra I da la LF dals 14 da december 1990 (CULF 1991 974; Fegl uffizial federal 1989 III 1233, 1990 I 120) 65 Integrà tenor la cifra I da la LF dals 23 da mars 1962 (CULF 1962 1047; Fegl uffizial federal 1960 I 523); abolì tras la cifra II 1 da l’agiunta 2 tar la LF dals 23 da mars 2001 davart credits da consum (CULF 2002 3846; Fegl uffizial federal 1999 3155) 66 Integrà tenor la cifra I da la LF dals 23 da mars 1962 (CULF 1962 1047; Fegl uffizial federal 1960 I 523); abolì tras la cifra 5 da l’agiunta tar la Lescha federala dals 24 da mars 2000 davart la cumpetenza en chaussas civilas (CULF 2000 2355; Fegl uffizial federal 1999 2829) 67 Integrà tenor la cifra I da la LF dals 23 da mars 1962 (CULF 1962 1047; Fegl uffizial federal 1960 I 523); abolì tras la cifra II 1 da l’agiunta 2 tar la LF dals 23 da mars 2001 davart credits da consum (CULF 2002 3846; Fegl uffizial federal 1999 3155) III. Examinaziun tar il cumprader C. Fatschentas cun pajament en ratas I. Lescha federala davart la cumplettaziun dal Cudesch civil svizzer 59 220

Art. 227 68

Art. 227a 69

1 Tar la cumpra cun pajament en ratas anticipadas s’oblighescha il cumprader da pajar il pretsch da cumpra per ina chaussa movibla ordavant en ratas ed il vendider da surdar la chaussa al cumprader, suenter ch’il pretsch da cumpra è pajà.

2 Il contract cun pajament en ratas anticipadas vala mo, sch’el è vegnì fatg en scrit e sch’el cuntegna las suandantas indicaziuns:

1. il num ed il domicil da las partidas;
2. l’object da la cumpra;
3. la pretensiun totala dal vendider;
4. il dumber, l’autezza ed il termin dals pajaments anticipads sco

er la durada dal contract;

5. la banca ch’è autorisada da prender encunter ils pajaments

anticipads;

6. il tschains che vegn debità al cumprader;
7.70 il dretg dal cumprader da renunziar entaifer 7 dis a la conclusiun dal contract;
8. il dretg dal vendider da desdir il contract sco er la chaparra

penala che sto vegnir pajada;

9. il lieu e la data da la suttascripziun dal contract.

Art. 227b 71

1 En cas d’in contract ch’è fatg per ina durada da dapli che 1 onn u per in temp betg determinà sto il cumprader far ils pajaments anticipads ad ina banca ch’è suttamessa a la Lescha federala dals 8 da november 1934 davart las bancas e cassas da spargn.72 Ils pajaments ston vegnir bunifitgads ad in conto da spargn, da deposits u d’apports sin il num dal cumprader e tschainsids tenor isanza. 68 Abolì tras la cifra I da la LF dals 23 da mars 1962 (CULF 1962 1047; Fegl uffizial federal 1960 I 523) 69 Integrà tenor la cifra I da la LF dals 23 da mars 1962, en vigur dapi il 1. da schaner 1963 (CULF 1962 1047 1056; Fegl uffizial federal 1960 I 523) 70 Versiun tenor la cifra II 1 da l’agiunta 2 tar la LF dals 23 da mars 2001 davart credits da consum, en vigur dapi il 1. da schaner 2003 (CULF 2002 3846; Fegl uffizial federal 1999 3155) 71 Integrà tenor la cifra I da la LF dals 23 da mars 1962, en vigur dapi il 1. da schaner 1963 (CULF 1962 1047 1056; Fegl uffizial federal 1960 I 523) 72 CS 952.0 II. Il contract cun pajament en ratas anticipadas 1. Noziun, furma e cuntegn 2. Dretgs ed obligaziuns da las partidas a. Garanzia dals pajaments anticipads Dretg d’obligaziuns 60 220

2 La banca sto mantegnair ils interess da tuttas duas partidas. Retratgas da daners ston vegnir approvadas da las partidas contrahentas, l’approvaziun na po betg vegnir dada ordavant.

3 Sch’il contract vegn desditg dal cumprader tenor l’artitgel 227f , perda il vendider tut ils dretgs visavi il cumprader.73

Art. 227c

74 1 Il cumprader ha da tut temp il dretg da pretender – pajond l’entira summa – la surdada da la chaussa cumprada; en quest connex sto el conceder al vendider ils termins da furniziun usitads, sche quel sto pir procurar la chaussa. 2 ... 75 3 Sch’il cumprader ha cumprà pliras chaussas u sch’el è sa resalvà il dretg da tscherner, è el autorisà da pretender la chaussa en furniziuns parzialas, nun ch’i sa tractia d’ina chaussa cumplessiva. Sch’i n’è betg vegnì pajà l’entir pretsch da cumpra, po il vendider vegnir obligà da far furniziuns parzialas mo, sch’i restan ad el 10 pertschient da la pretensiun restanta sco garanzia.76

Art. 227d 77

En cas d’in contract ch’è fatg per ina durada da dapli che 1 onn u per in temp betg determinà sto il pretsch da cumpra vegnir pajà tar la surdada da la chaussa cumprada. Il cumprader po dentant conceder al vendider contribuziuns or da ses dabun fin ad in terz dal pretsch da cumpra, e quai gia cur ch’el dumonda la consegna da la rauba. In’obligaziun en quest senn na dastga betg vegnir fixada tar la conclusiun dal contract.

Art. 227e

78

1 Sch’il pretsch da cumpra vegn fixà tar la conclusiun dal contract, n’è la resalva d’ina pretensiun posteriura betg valaivla.

73 Versiun tenor la cifra 6 da l’agiunta tar la LF dals 16 da december 1994, en vigur dapi il 1. da schaner 1997 (CULF 1995 1227 1307; Fegl uffizial federal 1991 III 1) 74 Integrà tenor la cifra I da la LF dals 23 da mars 1962, en vigur dapi il 1. da schaner 1963 (CULF 1962 1047 1056; Fegl uffizial federal 1960 I 523) 75 Abolì tras la cifra II 1 da l’agiunta 2 tar la LF dals 23 da mars 2001 davart credits da consum (CULF 2002 3846; Fegl uffizial federal 1999 3155) 76 Versiun tenor la cifra II 1 da l’agiunta 2 tar la LF dals 23 da mars 2001 davart credits da consum, en vigur dapi il 1. da schaner 2003 (CS 221.214.1) 77 Integrà tenor la cifra I da la LF dals 23 da mars 1962, en vigur dapi il 1. da schaner 1963 (CULF 1962 1047 1056; Fegl uffizial federal 1960 I 523) 78 Integrà tenor la cifra I da la LF dals 23 da mars 1962, en vigur dapi il 1. da schaner 1963 (CULF 1962 1047 1056; Fegl uffizial federal 1960 I 523) b. Dretg dal cumprader da pretender la chaussa cumprada c. Pajar il pretsch da cumpra d. Determinar il pretsch Lescha federala davart la cumplettaziun dal Cudesch civil svizzer 61 220 2 Sch’il cumprader è obligà da retrair rauba tenor sia tscherna per ina summa maximala, da la quala il pretsch n’è betg gia fixà en il contract, sto il vendider offrir ad el tut la tscherna per ils pretschs da cumpra en daner blut ch’èn usitads. 3 Cunvegnas divergentas valan mo, sch’ellas èn pli favuraivlas per il cumprader.

Art. 227f

79

1 In contract ch’è fatg per ina durada da dapli che 1 onn u per in temp betg determinà po il cumprader desdir da tut temp, e quai fin ch’el dumonda da consegnar la rauba.

2 Ina chaparra penala ch’il cumprader sto pajar en quest connex na dastga betg surpassar 21/2 respectivamain 5 pertschient da la pretensiun totala dal vendider ed importar maximalmain 100 respectivamain 250 francs, tut tenor sche la desditga è vegnida fatga entaifer in mais dapi la conclusiun dal contract u pli tard. Da l’autra vart ha il cumprader il dretg da survegnir enavos ils imports ch’el ha pajà ordavant, inclusiv ils tschains da banca usitads, uschenavant ch’els surpassan la chaparra penala.

3 Sch’in contract vegn desditg pervia da la mort u pervia da l’incapacitad permanenta da gudagnar dal cumprader ubain pervia da la perdita dals pajaments anticipads u perquai ch’il vendider refusa da remplazzar il contract per las relaziuns ch’èn en vendita tras in contract da pajament en ratas, na po vegnir pretendida nagina chaparra penala.

Art. 227g 80 1 L’obligaziun da prestar pajaments anticipads scada suenter 5 onns.

2 Sch’il cumprader n’ha – en cas d’in contract ch’è fatg per ina durada da dapli che 1 onn u per in temp betg determinà – betg dumandà la consegna da la chaussa cumprada suenter 8 onns, survegn il vendider – suenter ch’igl è scadì in termin d’admoniziun da 3 mais – ils medems dretgs sco tar ina desditga tras il cumprader.

Art. 227h81

1 Sch’il cumprader è en retard cun in u cun plirs pajaments anticipads, po il vendider pretender mo la rata ch’è scadida; sch’igl èn dentant scadids dus pajaments anticipads che importan ensemen almain in 79 Integrà tenor la cifra I da la LF dals 23 da mars 1962, en vigur dapi il 1. da schaner 1963 (CULF 1962 1047 1056; Fegl uffizial federal 1960 I 523) 80 Integrà tenor la cifra I da la LF dals 23 da mars 1962, en vigur dapi il 1. da schaner 1963 (CULF 1962 1047 1056; Fegl uffizial federal 1960 I 523) 81 Integrà tenor la cifra I da la LF dals 23 da mars 1962, en vigur dapi il 1. da schaner 1963 (CULF 1962 1047 1056; Fegl uffizial federal 1960 I 523) 3. Terminaziun dal contract a. Dretg da desditga b. Durada dal contract 4. Retard dal cumpraderDretg d’obligaziuns 62 220 10avel da la pretensiun totala ubain sch’igl è scadì in unic pajament anticipà che importa almain in quart da la pretensiun totala ubain sch’igl è scadì l’ultim pajament anticipà, è el ultra da quai autorisà da sa retrair dal contract suenter ch’igl è scadì in termin d’admoniziun dad 1 mais.

2 Sch’il vendider sa retira d’in contract che ha ina durada da maximalmain 1 onn, po el pretender dal cumprader mo in tschains da chapital adequat sco er l’indemnisaziun d’ina reducziun da la valur da la chaussa ch’è capitada dapi la conclusiun dal contract. In eventual chasti convenziunal na dastga betg surpassar 10 pertschient dal pretsch da cumpra en daner blut.82

3 Sch’il cumprader ha dumandà – en cas d’in contract ch’è fatg per ina durada da dapli che 1 onn – la consegna da la chaussa cumprada, po il vendider pretender in tschains da chapital adequat sco er l’indemnisaziun d’ina reducziun da la valur da la chaussa ch’è capitada, dapi che la consegna da la chaussa è vegnida dumandada. In eventual chasti convenziunal na dastga betg surpassar 10 pertschient dal pretsch da cumpra.

4 Sche la chaussa cumprada è gia vegnida furnida, è mintga partida obligada da restituir las prestaziuns retschavidas. Il vendider ha ultra da quai il dretg da survegnir in tschains da locaziun adequat ed ina indemnisaziun per ina isada extraordinaria da la chaussa. El na po dentant betg pretender dapli che quai ch’el avess survegnì, sch’il contract fiss vegnì ademplì a temp.83

Art. 227i

84

Ils artitgels 227a–227h na vegnan betg applitgads, sch’il cumprader è inscrit en il register da commerzi sco interpresa singula ubain sco persuna che ha il dretg da suttascriver d’ina interpresa singula u d’ina societad commerziala ubain sche la cumpra sa referescha ad objects ch’èn destinads – pervia da lur natira – en emprima lingia ad in manaschi industrial u en emprima lingia ad intents professiunals. 82 Versiun tenor la cifra II 1 da l’agiunta 2 tar la LF dals 23 da mars 2001 davart credits da consum, en vigur dapi il 1. da schaner 2003 (CULF 2002 3846; Fegl uffizial federal 1999 3155) 83 Versiun tenor la cifra II 1 da l’agiunta 2 tar la LF dals 23 da mars 2001 davart credits da consum, en vigur dapi il 1. da schaner 2003 (CULF 2002 3846; Fegl uffizial federal 1999 3155) 84 Integrà tenor la cifra I da la LF dals 23 da mars 1962 (CULF 1962 1047; Fegl uffizial federal 1960 I 523); versiun tenor la cifra I 3 da la LF dals 16 da december 2005 (dretg da ScRL sco er adattaziuns en il dretg d’aczias, en il dretg d’associaziun, en il dretg dal register da commerzi ed en il dretg da firmas), en vigur dapi il 1. da schaner 2008 (CULF 2007 4791, 4839; Fegl uffizial federal 2002 3148, 2004 3969) 5. Champ d’applicaziun Lescha federala davart la cumplettaziun dal Cudesch civil svizzer 63 220

Art. 228 85

Las suandantas disposiziuns da la Lescha federala dals 23 da mars 2001 86 davart credits da consum che valan per il contract davart credits da consum valan er per il contract cun pajament en ratas anticipadas:

a. artitgel 13 (consentiment da la represchentanza legala);
b. artitgel 16 (dretg da revocaziun);
c. artitgel 19 (objecziuns);
d. artitgel 20 (pajament e segirezza en furma da cambialas);
e. artitgel 21 (adempliment manglus dal contract d’acquisiziun).

Art. 229

1 En cas d’in ingiant sfurzà vegn il contract da cumprà concludì tras quai ch’il funcziunari che fa l’ingiant agiuditgescha l’object a l’offerent.

2 Il contract da cumpra tar in ingiant voluntar ch’è vegnì annunzià publicamain e tar il qual mintgin po offrir vegn concludì tras quai che l’alienader declera l’agiudicaziun.

3 Uschè ditg che in’autra voluntad da l’alienader na vegn betg rendida enconuschenta, è la persuna che maina l’ingiant autorisada d’agiuditgar l’object a quella persuna che ha fatg l’offerta la pli auta.

Art. 230

1 Sche l’ingiant è vegnì influenzà en moda illegala u en ina moda che cuntrafa a la buna morala, po mintga persuna interessada contestar la valaivladad da l’ingiant entaifer 10 dis.

2 En cas d’in ingiant sfurzà sto la contestaziun vegnir inoltrada tar l’autoritad da surveglianza, en ils auters cas tar il derschader.

Art. 231

1 L’offerent è lià vi da sia offerta a norma da las cundiziuns da l’ingiant.

2 Sche questas cundiziuns na prescrivan nagut auter, vegn el puspè liber, sch’i vegn fatga in’offerta pli auta u sche sia offerta na vegn betg acceptada immediatamain suenter il clom usità. 85 Versiun tenor la cifra II 1 da l’agiunta 2 tar la LF dals 23 da mars 2001 davart credits da consum, en vigur dapi il 1. da schaner 2003 (CULF 2002 3846; Fegl uffizial federal 1999 3155) 86 CS 221.214.1 6. Applicaziun da la Lescha davart credits da consum D. Ingiant I. Conclusiun da la cumpra II. Contestaziun III. Co che l’offerent è lià 1. En general Dretg d’obligaziuns 64 220

Art. 232

1 Tar bains immobigliars sto il consentiment u la refusa vegnir dà durant l’ingiant sez.

2 Resalvas, tras las qualas l’offerent vegn obligà da mantegnair sia offerta sur l’acziun da l’ingiant or, èn nunvalaivlas, uschenavant ch’i na sa tracta betg d’in ingiant sfurzà u d’in cas, tar il qual la vendita sto vegnir approvada d’ina autoritad.

Art. 233

1 L’offerent ha da pajar en daner blut, nun che las cundiziuns da l’ingiant prevesian insatge auter.

2 L’alienader po sa retrair immediatamain da la vendita, sch’i na vegn betg pajà en daner blut u tenor las cundiziuns da l’ingiant.

Art. 234

1 Tar l’ingiant sfurzà na vegn betg dada ina garanzia, cun excepziun da garanzias spezialas u d’engions intenziunads dals offerents.

2 L’offerent acquista la chaussa en il stadi, cun ils dretgs e cun las grevezzas che resultan tras registers publics u tras las cundiziuns da l’ingiant u ch’existan tras lescha.

3 En cas d’in ingiant public voluntar è l’alienader responsabel sco in auter vendider, po dentant refusar per sasez tuttas garanzias en las cundiziuns da l’ingiant che vegnan communitgadas publicamain, cun excepziun da la responsabladad per engion intenziunà.

Art. 235

1 L’offerent acquista la proprietad vi d’in bain movibel ingiantà il mument che quel vegn agiuditgà ad el, vi d’in bain immobigliar dentant pir cun l’inscripziun en il register funsil.

2 Sin basa dal protocol da l’ingiant ha l’autoritad d’ingiant dad annunziar immediatamain l’agiudicaziun a l’administratur dal register funsil per l’inscripziun.

3 Resalvadas restan las prescripziuns davart l’acquist da proprietad a chaschun d’ingiants sfurzads.

Art. 236

Entaifer ils limits da la legislaziun federala pon ils chantuns fixar ulteriuras prescripziuns davart l’ingiant public.

2. Tar bains immobigliars IV. Pajament en daner blut V. Garanzia VI. Transiziun da la proprietad VII. Prescripziuns chantunalas Lescha federala davart la cumplettaziun dal Cudesch civil svizzer 65 220 Tschintgavel chapitel: Il contract da barat

Art. 237

Per il contract da barat vegnan applitgadas las prescripziuns davart il contract da cumpra en quel senn che mintga partida contrahenta vegn tractada sco vendidra en quai che pertutga la chaussa che vegn empermessa dad ella e sco cumpradra en quai che pertutga la chaussa che vegn empermessa ad ella.

Art. 238

Sche la chaussa barattada vegn prendida davent u restituida pervia da sias mancanzas, ha la partida donnegiada la tscherna da pretender ina indemnisaziun u da pretender enavos la chaussa barattada.