La polpetta del Re/Quader XIV
![]() |
Questo testo è stato riletto e controllato. | ![]() |
Ferdinando Fontana - La polpetta del Re (1894)
Quader XIV
◄ | Quader XIII | Quader XV | ► |
QUADER XIV.
El viagg de la Scianna e de la Portinara.
![](http://upload.wikimedia.org/wikipedia/commons/thumb/b/b9/Fontana_-_La_polpetta_del_Re_p052.jpg/240px-Fontana_-_La_polpetta_del_Re_p052.jpg)
E va; va che te va;
passa contrad e piazz,
e pont, e ges, e cà,
e portegh, e palazz;
tutt dò hin, finalment,
foeura della cittáa.
E, lì, passa torrent,
e vign, e camp, e práa,
e passa lagh, laghitt,
paes e paesott,
fiumm grand e piscinitt,
cassinn e cassinott;
poeu ven montagn e bosch
che no finissen pù...
Ma el ciel el se fa fosch!
Che temporal ven sù!