Lege Provinziala: dl 7 messè dl 2010, n. 9 - Energia regenerabla

Da Wikisource.
Jump to navigation Jump to search
ladino

Provincia autonoma di Bolzano 2010 diritto diritto Lege Provinziala: dl 7 messè dl 2010, n. 9 Intestazione 7 giugno 2013 25% Da definire


EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
DESPOSIZIUNS TL ĆIAMP DL SPARAGN D’ENERGIA Y DL’ENERGIA REGENERABLA
2010

LEGE PROVINZIALA: DI 7 DE MESSÈ DL 2010, N. 9

DESPOSIZIUNS TL ĆIAMP DL SPARAGN D’ENERGIA Y DL’ENERGIA REGENERABLA


Le Consëi provinzial

à aprovè chësta lege,

le Presidënt dla Provinzia

la promulghëia

Art. 1

Fin y ćiamp de aplicaziun

1. La Provinzia autonoma de Balsan sostëgn l’adoranza razionala dl’energia, le sparagn de energia, sciöche inće l’adoranza de fontanes de energia regenerables, en conformité ala politica dl’energia dl’Uniun Europeica.

2. Por i fins preodüs dal coma 1 vëgnel conscidré sciöche fontanes de energia regenerables chëstes fontanes de energia nia fossiles: vënt, sorëdl, energia aerotermica, geotermica y idrotermica, forza dl’ega, biomassa, gas de desćiaria, gas avanzè da prozesc de depuraziun y biogas.

Art. 2

Contribuć

1. La Provinzia autonoma de Balsan po, aladô dles modalitês y di criters fissà dala Junta provinziala, promöie scomenciadies y conzede contribuć de capital tla mosöra mascimala dl 30 porcënt por miorè l’efiziënza dl’energia y l’adoranza dles fontanes de energia regenerables, y por dè inant le savëi sön les inovaziuns y i stromënć de planificaziun te chësc ćiamp.

2. La Provinzia autonoma de Balsan po, aladô dles modalitês y di criters fissà dala Junta provinziala, conzede contribuć tla mosöra mascimala dl 80 porcënt por fà sö y amplié implanć por prodüje forza eletrica da fontanes de energia regenerables por frabicać da paur, prömes abitaziuns, frabicać aziendai, üties de munt y ćiajares, sce ai ne n’é nia colià ala rëi dla forza eletrica y ara ne va nia da realisé n coliamënt ala rëi dla forza eletrica a cosć proporzionà y zënza dificoltês tecniches spezifiches.

3. La Provinzia autonoma de Balsan po inće conzede contribuć tla mosöra mascimala dl 80 porcënt ales aziëndes de destribuziun de forza eletrica:

  • a) sce ares é atocades da catastrofes naturales;
  • b) por coliamënć nüs, la sostituziun o le renforzamënt de implanć de destribuziun de forza

eletrica ti raiuns rurai;

  • c) por spostè sot tera ite les condütes tl’aria a tenjiun mesana y bassa;
  • d) por le coliamënt ala condüta dla forza eletrica de üties de munt y ćiajares, sce al ne n’é nia

na forma de refornimënt de forza eletrica plü bun marćé. 4. Sce les spëises ametüdes a contribut é de passa 500.000 euro, pol gnì conzedü n’antizipaziun de alplü 50 porcënt dl contribut.

5. Sce les somes é ametüdes a contribut y é bele gnüdes resservades a ćiaria dl bilanz provinzial, mëss la documentaziun dles spëises gnì ortiada te alplü trëi agn pian ia dal eserzize a chël che la resservaziun se referësc, scenò toma le contribut.

6. I contribuć preodüs dai comesc 1 y 2 ne po nia gnì acumulà cun d’atri contribuć o d’atres alisiraziuns, bel anfat de ći sort, odüs danfora da normes comunitares o statales.

7. Al vëgn abroghè:

  • a) la lege provinziala di 19 de forà dl 1993, n. 4, y mudaziuns suandëntes;
  • b) le coma 4 dl articul 6 dla lege provinziala di 13 de forà dl 1997, n. 4;
  • c) les lëtres f) y g) dl coma 1 dl articul 8 dla lege provinziala di 30 d’agost dl 1972, n. 18 y

mudaziuns suandëntes.

Art. 3

Desposiziun finanziara

1. Les spëises por i intervënć a ćiaria dl eserzize 2010 che vëgn da chësta lege, vëgn curides cun les cuotes de stanziamënt ćiamò dan man sön les UPB 23105, 23205 y 23210 dl bilanz provinzial dl 2010, autorisades por i intervënć preodüs dales leges abrogades dal articul 2, coma 7, lëtres a), b) y c).

2. La spëisa a ćiaria di eserzizi finanziars suandënć vëgn stabilida cun la lege finanziara anuala. Chësta lege gnarà publicada tl Boletin Ofizial dla Regiun. Vignun a chël che al ti speta é oblié da la respetè y da la fà respetè sciöche lege dla Provinzia.

Balsan, ai 7 de messè dl 2010

LE PRESIDËNT DLA PROVINZIA

Dr. Luis Durnwalder