Nouvas Rimas/1

Da Wikisource.
Sper il Lej da Staz

../ ../2 IncludiIntestazione 23 marzo 2021 75% Da definire

Nouvas Rimas 2

Scarica in formato ePub   Crestomazia Retoromontscha VIII   di Caspar Decurtins (1907)

Questo testo fa parte della raccolta Rätoromanische chrestomathie


[p. 248 modifica]

[p. 5] Sper il Lej da Staz.

Ün dutsch respir levissem mova,
Da temp, in temp tieu pür cristal,
Il vent d’ la saira con te giova,
Cur staungel tuorna dalla val.

5 Sco üna gemma azurrina
Est conturnò d’ün verd ané;
Cò pos’in ura vespertina,
Il solitari, tmuoss utsché.

Eir eau cò pos, sper tia riva,
10 E lasch errer l’impissamaint
Dalöntsch, dalöntsch, inua viva
La chera mia, dal sguard riaint.

E sömg e sömg svanida era,
Con melanconic, dutsch dalet,
15 Fin cha la sair’intuorn impera
E ’l sain da not am clam’a let.

1864.