 |
Questa pagina è stata trascritta, formattata e riletta. | |
| 230 | lo cunto de li cunti |
nire. La quale arrivato a lo lietto de lo prencepe, auzaje la granfa, e toccaje lo puzo de lo malato, che fece sorrejere la regina, penzanno ad ora ad ora, che l’avesse a sciccare lo naso. Ma, lo prencepe decenno all’orca: «Chiappino1 mio, non me vuoje cocinare e dare a magnare, e covernare?», essa vasciai la capo, mostranno d’azzettare lo partito. Pe la quale cosa, la mamma fece venire na mano de galline, ed allommare lo fuoco a no focolaro drinto a la stessa cammara, e mettere acqua a bollere. E l’orza, dato de mano a na gallina, scaudatola, la spennaje destramente, e, sbentratola, parte ne mpizzaje a no spito, e parte ne fece no bello ngrattinato2, che lo prencepe, che non ne poteva scennere lo zuccaro, se ne leccaje le dejeta3. E, comme appe fornuto de cannariare, le deze a bevere co tanta grazia, che la regina la vozo vasare nfronte. Fatto chesso, e sciso lo prencepe a fare la preta paragone de lo jodizio de li miedece, l’orza fece subeto lo lietto; e, corzo a lo giardino, cogliette na bona mappata de rose e shiure de cetrangolo4, e nce le aparpogliaje pe coppa. Tanto che la regina disse che st’orza valeva no tresoro, e ch’aveva no càntaro de ragione lo figlio de volerele bene. Ma lo prencepe, vedenno sti belle servizie, jonze esca a lo fuoco, e, se, primma, se conzomava a dramme, mo se strodeva a rotola; e disse a la regina: «Mamma gnora mia, si non dongo no vaso a st’orza, m’esce lo shiato!» La regina, che lo vedeva ashevolire, disse: «Vasalo, vasa, bell’anemale mio, non me lo vedere speruto sto povero figlio!» Ed, accostatase l’orza, lo prencepe, pigliatola a pezzechille5, non
