Τί τοῦτο; Καὶ εἶπεν· Τὴν παρθένον ἣν παρέλαβεν ἐκ ναοῦ κυρίου, ἐμίανεν αὐτήν, καὶ ἔκλεψεν τοὺς γάμους αὐτῆς, καὶ οὐκ ἐφανέρωσεν τοῖς υἱοῖς Ισραήλ. Καὶ ἀποκριθεὶς ὁ ἱερεὺς εἶπεν· Ἰωσὴφ τοῦτο ἐποίησεν; Καὶ εἶπεν Ἄννας ὁ γραμματεύς· Ἀπόστειλον ὑπηρέτας, καὶ εὑρήσεις την παρθένον ὀγκωμένην. Καὶ ἀπῆλθον οἱ ὑπηρέται καὶ εὗρον καθῷς εἶπεν, καὶ ἀπήγαγον αὐτὴν ἅμα τῷ Ἰωσὴφ εἰς τό κριτήριον. 3. Καὶ εἶπεν ὁ ἱερεύς· Μαριάμ, τί τοῦτο ἐποίησας; καὶ ἱνατί ἐταπείνωσας τὴν ψυχήν σου καὶ ἐπελάθου κυρίου τοῦ θεοῦ σου; ἡ ἀνατραφεῖσα εἰς τὰ ἅγια τῶν ἁγίων καὶ λαβοῦσα τροφὴν ἐκ χειρὸς ἀγγέλου καὶ ἀκούσασα τῶν ὕμνων1 καὶ χορεύσασα ἐνώπιον αὐτοῦ; τί τοῦτο ἐποίησας; Η δὲ ἔκλαυσεν πικρῶς λέγουσα· Ζῇ κύριος ὁ θεός μου καθότι καθαρά εἰμι ἐνώπιον αὐτοῦ καὶ ἄνδρα οὐ γινώσκω. 4. Καὶ εἶπεν ὁ ἱερεὺς πρὸς Ιωσήφ· Τί τοῦτο ἐποίησας; Καὶ εἶπεν Ιωσήφ· Ζῇ κύριος ὁ θεός μου καθότι καθαρός εἰμι ἐγὼ ἐξ αὐτῆς. Καὶ εἶπεν ὁ ἱερεύς Μή ψευδομαρτύρει ἀλλὰ λέγε τὸ ἀληθές· ἔκλεψας τοὺς γάμους αὐτῆς καὶ οὐκ ἐφανέρωσας τοῖς υἱοῖς
- ↑ Un gruppo di manoscritti, invece di τῶν ὕμνων, ha τῶν μυστηρίων αὐτοῦ «i suoi misteri».
