Pagina:Calendar ladin1913.djvu/16

Da Wikisource.
Jump to navigation Jump to search


euces emi zechms y dut. N’auter jêde cialerè-i de fè del bön ula che 1 toea. Son cuntönt, che la ie turaêda òra ’nsi.«Sèpl da Passua.

La fertuna.


Fertuna ie' n uciöl
Pià y z̄arà te gábia;
Legrëza mostr-el revöl,
Ma 'nce tristëza y rábia.

'N muessa vöster atënt,
Aciò che 'l ne s' en vède,
Percie sarà rie termënt
A 'l pië 'n segondo jëde.
 
T. P.


La zintling.


La zintling! audiëis-a sunàn
La ciampana, böl plan: bin ban ?
Tan plan che la sona, tan plan,
La ciampana, l' audiëis-a sunàn ?

La pitla, ciuldì che 'ŋ sona,
I no la granda böl plan,
Damanda 'l pitl al' oma,
Spaurì, bölau bradlàn.

I uedli 'n gota, l' oma
Respuent a si pitl fi:
"Percie, - percie ch' i sona ?
Ne pòsse, - ne pòsse te-l dì."

'L père, per ël sunòva
La pitla ciampana, tan plan,
Per ël chest ' oma bradlòva
A messëi l' audì sunàn.

La zintling! audiëis-a sunàn
La ciampana, böl plan: bin ban ?
Tan plan che la sona, tan plan,
La ciampana, l' audiëis-a sunàn ?

T. P.