 |
Questa pagina è stata trascritta ma deve essere formattata o controllata. | |
pagina:53 a scur; y la fanciöla che fòva pro anda Mariana, s'en mucia böl a chiet — i diš che l'òva i stentíns ded-òra ḡú. — , y sauta sa Lèc a cherdè ḡënt. Sa Lèc stas̄òva bèra Us̄öp Ploner; 'l manda debòta si fi Stöfun a cherdè d'autri, y ël 'nstës sauta cun si auter fi Giuvani via Rustlèa. I lèreš, che fòva a scur, n'udòva 'nstës̄ no plu, cie ch'i fas̄òva; che zachèi fòva unì da pòrta ite, s'en òv-i bën 'ntendù: chël che fòva de guárdia ded-òra da pòrta, òva metù vèrda massa puec. Z̄ën tel scur mët-i man de se scurtlè y de se dè 'ntra ëi. Bèra Jacun Toc s'òva 'ntendù massa tèrt de cie che se tratòva; 'l nen òva nia tela man y cëla bën de s'en mucè debòta. Ma 'n lère ti fier dò, 'l pöia y 'l copa. Bèra Jacun chërda 'n aiút, y si fëna vën d'aut ḡú. Ma la ne ruva nia ḡú leprò, che 'n lère ti vën böle a 'ncontra per la mazè: ëila mucia, ël dò. Sun šèla la pöie-l per 'l chitl. Riëš pessèda, i laše-la 'l chitl tela man y s'en mucia. Ma la ne l'ëssa 'mpò no fata, še ne fossa unì te chëla Us̄öp Ploner (da Lec) de-sëura ḡú; sun ch'l còl sëura Rustlèa mët-l man de fè na drëta fuera. Udëi n'udòv-uŋ nia plu, y 'l lère ne savòva, tanč che 'n fòva tla-su. Sa dlies̄a sunòv-i böle ciampana a martöl. Can ch'i lèreš a udù ch'i ie 'mpandui, sel'à- i data piërsa; 'l lère ch'òva pià la fëna de Jacun Toc, n'i ie plu ḡit dò; 'l tòl ca 'l stlòp y tira 'n colp su per ch'l col; bèra Us̄öp à audì la codla šiblàn dlongia via. 'Ntant sauta l'ëila su-aut da pòrta ite y z̄èra la pòrta: a chëla mòda ie mò unídes salvèdes la trëi ëiles che fòva su-aut. Chëi che Stöfun Ploner òva abinà per ḡi sun Rustlèa, à böle udù da lonč i lèreš muciàn via per puen' dala Gërva y la-via òra. 'N i fòva bën sautèi dò, ma tel scur ne fòve-l sta möz̄un de 'nfè nía. I lèreš ie ḡič 'n chëla nuet y l'auter dí 'nfin ch'i ie stai boni; i muciòva for de viëres de mon'de Sëuč. Un s'òva perdù la cazina, che' ŋ à pò giatà sun strèda. Te 'n medèl òra 'n mon' de Sëuč à-ŋ giatà 'n stlòp, na pistòla y 'n gran stilöt: iló fòv-i roč ite y s'òva fa da majë. 'Nce te n'auter medèl à-ŋ giatà 'n stlòp: un' sòva despartì dai autri y fòva ḡit sëul de viëres de cësa.
titolo:II. I lèreš vën piëi sú.
L'auter dí à-ŋ böle mandà da Ciastöl de möz ḡënt a i cri, y fat a 'l savëi ai autri giudizi. 'N pò se pessè che 'l nen ie saurì cri sú valguni òra 'n mon' de Sëuč, y 'l nen ie nia da se fè marueia, še 'ŋ n'i à plu piëi. Ma a Faša fòva revà 'n valgún dis dò un pra sugnería a cuntè che, a unì da Gries a Perra, à-l urtà 'n còšo ch'i savòva drët da temëi y che cialova pròpi òra šiche 'n lère: 'l fòva mèl ciafià, semiòva d'avëi na trica de vèl sòrt, y òva na man liëda sú; 'l di-
