Appèna dervii i oeucc e sbadigliaa,
Te set miss a guardà ’sta disgraziada!
Signór, che falliment! On ospedaa
De crost e de gibój1 Lee, poeu, dannada
Per quii ôr sbattuu vïa, l’ha tentaa
De s’vójà ’l gozz; ma ti te l’e fermada
Cont quèll to rîd special, inscì insólent,
Che invece de fà rîd.... el fà spavent!
— Voj, già noeuv ór! Ciao, brutt demoni! — e tracch
Sbattuu de tutta forza l’antiport,
Giò de córsa di scâl, senza badacch;
E in strada, peu, ninnând i spall de fort,
In quatter salt te rivet lì alla cà
Della Tencia, e stavolta per restà!
- ↑ Giboi - Ammaccature.
