Pagina:Curti - La giornada del lócch.djvu/17

8

Antonio Curti

Ma già dai gelosii avert — segnâl
Anca quèst — te capii che gh’era nètt;
E ormai sicûr, te faa in d’on volo i scâl.
Dedree de l’uss la Tencia, per rispètt,
E per timór, chissà? de fà del mâl,
L’era lì a sping....¹ cont su dómà i calzètt
E la camisa.... scarsa de per tutt:
Tant scarsa de quattà ne ’l bèll, ne ’l brutt.


— Ciao Tencia! — Moeuvet, bèstia d’on Tanoeu!
— Che zuppa, voj! — Ma se l’è di 7 ór
Che te spetti, o malnatt! — Sciambóla² incoeu,
E niente sciarabân!³ vèm in vapór!
— Coss’è? — Vèmm a Legnân, a Gallaraa....
— Mi vègni no! — Perchè? — Me senti maa!

1. Sping, sbirciare (Cher.).
2. Sciambola - Gozzoviglia.
3. Sciaraban - Veicolo; dal francese char-à-banc.