Pagina:Curti - La giornada del lócch.djvu/18

La giornada del lócch

9

Ti te se séntet mâa? cont quèll facciòn?
— Già! ti el fidegh che coeus¹ t’el cùntet no!
— Orco² se ’l cunti, voj!... ma a cólezión!
E stà attenta ch’el coeusa pocch, però,
Perchè ’l vên dûr! — Ma scherza no, gialdón!
— Mi giald? — E in quanto alla Rachèlla.... — Oibò
’Ste diset su? — La sentirà i mè öng!
— Ocio, voj Tencia! Guarda che la spóng!³


E poeu, rugand⁴ in di saccocc: — T’è chì!
Te vèdet, Tencia? el to Tanoeu l’è al succ!⁵
Ma lee, già velenósa: — Pesg⁶ per ti!
La te rispond: ti e forsi spenduu tucc
Quij che t’hóo daa jersira? — Quèll gh’è dent!
Per on quej franch!... — Già te set mai content!

1. Coeus - Cuoce.
2. ’orco - per Porco! - come Perdio! Perbacco!
3. Spóng - nel caso: Tira di coltello, Punge col coltello.
4. Rugand - Frugando.
5. Succ - All’asciutto.
6. Pesg per ti - Peggio per te.