Pagina:Decurtins - Rätoromanische chrestomathie, I.djvu/678

Da Wikisource.

Ventschidas, La Pissiun manada si a Lumbrein 649 quei daventa ual en in temps, nua ch' il luxus en viver e sevestgir fa enorms progress, perfin ellas pli allontanadas ed isoladas valladas. Dal temps, ch' in viveva pli simpel e secuntentava cun in pèr pardanonzas e ventschidas, dev' ei bucca tontas scussiuns sco oz il di, e bucca pernuot di il famus Franclin en sias reglas sul tener casa, ch' in degi temer pli 5 fetg las pintgas expensas de mintga di, che las grondas, ch' in fetschi mo da temps en temps. Las empremas hagien bia meglier riet de darsentar ina casada, che las davosas. Mo ei setractescha cheu bucca mo pil riguard economic, sonder eunc per entzitgei pli niebel: pil spirt familiar pell' affecziun … denter ils patruns et ils luvrès, che semuossan ellas pardanonzas e 10 ventschidas. Pilvér, in patrun, che po bucca legrar ses affons, fumegls e fumitgasas ne perdès, ch' han priuamein giedau a semnar, cultivar e rimnar ils fretgs della tiara, cun ina gasteria alla fin dellas lavurs, quel ei in ver rempli e bucca vengonz, che Dieus laschi crescher enzitgei sin ses funs. Vulan ins, ch' ils affons e survients lavurien bein ed endretg, sche degien 15 ins era cuir in legerment ad els. Tgei legerment sentan buc ils affons, cura ch' ei vesan che la mumma ei schon bein marvegl fatschentada en cuschina cun preparar las bunas tratgas sillas ventschidas? ei dat ad els tschaffen tiella lavur per saver cun ton meglier dretg separticipar vid quei pastg. Con bein fa ei er' als luvrès de puspei guder inaga il plischer d' ina 20 gasteria, de ver co lur patruns han tschaffen d' era cuir inaga enzitgei bien ad els. La legria ed il spass, il cantar e sunar, che cungieschan en bia logens las ventschidas, ein solazs, che fan quei di ton pli emperneivels e mantegnan el ton pli ditg en legreivla memoria. Perquei teni endament: Ein las lavurs finidas: 25 Fan ins legras ventschidas! La Pissiun manada si a Lumbrein. (Aus der Nova Gasetta, N. 15, 1862.) Fertont che la terlischont' aurora dils 4 d' Avrel annunziava la vegnida d' in bi di permaveun, semetta in grond pievel en moviment encunter 30 … la biala Lumnezia. Roschas e roschas passan cull' alva dil di tras il classic portal de Porclas, sul manific ault de s. Carli e tralla neiv sul fil dil Mundau. Ei pareva sco sch' in lessi occupar l' entira Lumnezia, sco dal temps dell' invasiun dil cont Rudolf de Montfort. Aber na! ei era nuot meins ch' ina campagna guerila, ei er' in pacific pellegrinadi. Perquei 35 eran ils Lumnezians era bucca sut las armas anzi els eran il di avon stai redunai a Villa per mirar co in savessi arver lur vallada tras ina megliera via; las beadias dellas valerusas femnas de Porclas vevan era bucca semptgau crappa e lena per rebatter ils jasters, sonder creflis e butschalas … per gastar quels. Ella capitala Lumneziana ein las colonnas de 40