Pagina:Decurtins - Rätoromanische chrestomathie, I.djvu/697

Da Wikisource.
Jump to navigation Jump to search
608 G. Antoni Bühler

<poem>

Nies ferm e liber maun Mo alla libertad! Nies cor, nies liber saung 20 A la fraternitad! Gni sut gl' ischi Grischuns! Nos babs lein honorar, Da forza cun canzuns La „Ligia Grisch'“ alzar!


G. ANTONI BÜHLER.

Mia patria.

(Aus Il Grischun, Nr. 1, 1864.)

1. Patria, sin l' amur fideivla De miu cor sas sefidar. Hai à ti, o buntadeivla, Gie tut bien jeu d' engraziar! 5 Buc cun plaids e poesias Vul miu cor mo tei alzar; Cun l' acziun las ovras tias Vi dil mal jeu conservar. 2. En legria, en tristezia 10 Vi cun aulta vusch clomar: Sai fortuna e letezia Mo unius cun tei anflar. Patria, sin l' amur fideivla De miu cor sas sefidar. 15 Hai a ti, o buntadeivla, Gie tut bien jeu d' engraziar.

Empermischun alla patria. (Aus Il Grischun, Nr. 4, 1864.) 1. A ti dedicheschel Miu cor e miu maun, O patria, et unfreschel La vita et il saung! 2. Miu cor sinflamescha Cun grond ardiment, Per tei el mo pulsescha, Tia libertat gudent. 3. O Dieus, po inspira 10 Curascha a mi! Fideivladat engira Miu cor bugien a ti. 4. Al maun po dai possa, Il cor lai scaldar, 15 Ch' el tochen tier la fossa La patria tegni car!

Tut dat commiau.

(Aus Il Grischun, Nr. 51, 1864.)

Ei gliei da Dieus gie ordinau, Ch' ins a tut car sto dar commiau, Tgei peina, o peina! Schegie che sin quest mund il mal 5 Il cor mai senta cert in tal, Tgei peina, o peina, gie peina! Ha ins a ti in brumbel dau, E ti en l' aua quel tschentau, Pertratga, pertratga: 10 Damaun fors' anflas ina flur, Che secca vi sur notg alur, Pertratga, pertratga, pertratga!