 |
Questa pagina è ancora da trascrivere o è incompleta. | |
736 Giachen Caspar Muoth
Al pievel romonsch.
(Aus den Annalas della Societad Rhaeto - Romanscha, Seconda annada, 1887,
p. 358 ff.)
Stai si! defenda,
Romonsch, tiu vegl lungatg!
Risguard pretenda
Per tiu pertratg!
5 Dedesta tut cul tun sonor
Dil fronsch romonsch, cantau de cor!
Quel tuna ferm e suna clar
E quora senza balbegiar,
[p. 359] Gie quora senza balbegiar,
10 Essent artaus dal bést matern, schi car.
Stai si, sedosta
Romonsch, pil plaid grischun!
Lai buc a posta
Satrar tiu dun!
15 Tiu cor, tiu spert ein umbrivai
Dal vierv romonsch e vegnan mai
A concepir in auter senn,
A parturir in niev talent,
Gie mai midar, il scaffiment.
20 Romonsch ei tia sort tiu truament.
Stai si e mira!
Romonsch, tgei avantatg
Midont natira,
Tes frars han fatg!
25 Il vierv matern vegn emblidaus;
Il plaid tudestg ei scumbigliaus;
Biars plaiden mender ch' ils affonts.
Schizun tudestgs de treischien onns,
Gie tudestgai de treitschien onns
30 Han aunc adina plaids romonschs dannons.
Stai si e senta!
Romonsch, el cor sincer
La vana stenta!
Va buc en èrr!
35 Ils schiembers creschan spels glatschèrs.
E seccan vi, plantai els èrs.
Ed il romonsch lungatg alpin,
Naschius el clar dil matutin,
